طريقة عمل كيكة الحليب
نقدم لكم طريقة عمل كيكة الحليب بمكونات الكيك العادية بالإضافة إلى التشريبه وعلى وجهها الكريمة اللذيذة مما يعطي لها مذاق خاص جربوها.
المقادير
نص اصبع زبدة
ثلاثة ارباع كوب سكر
نصف كوب زيت
4 بيضات
بيكنج بودر
كوب ونصف طحين
نصف كوب كريمة خفق
التشريبه عباره عن :
علبة حليب محلى – علبه حليب شاي بوني – نص كوب كريمة خفق
الطريقة
- في وعاء حطيت نص اصبع زبده بدرجة حراره الغرفه ثلاث ارباع كوب سكر، خلطتهم لين تجانسوا
- وبعدين اضفت نص كوب زيت نباتي وربع كوب حليب سايل و 4 بيضات وملعقة باكنج بودر وكوب ونص طحين
- وبصينية حطيت ورق زبده بكل اطباق الكيك والفطاير استخدمه عشان مايلصق شي
- وصبيت خليط الكيك وعالنار من تحت على درجة حراره 180 لمدة 20-25 دقيقه او لين ما تستوي وشوي من فوق
لين تشقر تشقير بسيط بس،
- واذا طلعت نسوي حفر بالشوكة عشان تتشرب التشريبه، وبعدها صبيت التشريبه)
- واما الكريمه نص كوب كريمة خفق وظرفين دريم ويب وربع نستله وملعقة فانيلا لين يكون قوامها كريمي، لما بردت الكيكه حطيت الكريمه
