دراسة الماجستير من خلال 6 خطوات

Nice Topic 16 أغسطس، 2022
دراسة الماجستير من خلال 6 خطوات

تحدثنا في هذا المقال عن دراسة الماجستير  والخطوات اللازمة لتجاوز العقبات

تجربة دراسة الماجستير

  1.  الاستعداد لدراسة الماجستير
  2. التقديم والتخصصات المتوفرة وتحديد هدفك
  3. الدراسة والاختبارات والبحوث
  4. الصعوبات وكيفية حلها
  5. اغتنام الفرص
  6. مفاهيم خاطئة و نصححها معا

دراسة الماجستير

 الاستعداد لدراسة الماجستير

  • مجرد عندك فكرة تكمل دراسات عليا حتى لو لسا ماحددت هدفك عندك اختبارين مهمين في اغلب الجامعات هما (اختبار قدرات جامعية + اختبار تحديد مستوى اللغة الإنجليزية)

عشان مايضيع عليك الوقت ويروح التقديم عليك اختبرهم من بدري

  • اختبار اللغة الإنجليزية في عندك اكثر من نوع في توفل و في ايلتس وفي استيب
    الفرق بينهم في نوعية الاسئلة
    اسهل واحد فيهم هو الاستيب ومعتمد عندنا في جامعات المملكة ولما تختبره يعطيك كمان درجتك في الموقع تساوي كم في التوفل
    فين تختبرهم في موقع قياس للدخول اضغط هنا
  • طيب غيداء احتاج مراجع اتدرب عليها قبل الاختبار افهم اكثر من شخص مختص يساعدني لو عندي حاجة صعبة
    هذا عندكم حسابDalilk4ielts يساعدكم

وعنده قناة في اليوتيوب اسمها دليلك للستيب فادتني كثير

  • اختبار القدرات الجامعية
    تختبره في موقع قياس برضوا وتقدر تجهز له من مراجع كثير ممكن تلاقيها لو بحثت في قوقل
    لكن دكتور وافي اختصر علينا وجمعها لنا في مقال
    وعنده قناة في اليوتيوب اسمها دليلك للستيب فادتني كثير للمزيد اضغط هنا

التقديم والتخصصات المتوفرة وتحديد هدفك

اول حاجة لازم تكون عارف الجامعات الي متوفرة فيهم دراسات عليا مثل جامعة ام القرى و الملك عبدالعزيز وجدة والقصيم والملك سعود والملك خالد وغيرها بالاضافة التخصصات الي متوفرة عندهم وتحدد هل تناسبك وطلباتهم مناسبة لك

  • اخترت الجامعة واخترت التخصص بناء على هدفك انت وحلمك انت وليس احد اخر عشان تقدر تبدع وتتميز
  • نبدا نشوف طلبات الجامعة هل في اختبار تخصص ابحث عن مراجع واستعد له وممكن تسالني في الخاص نرسلك مراجع حسب التخصص في مقابلة شخصية برضوا استعد لها وفي فيديوهات في اليوتيوب كثير تعلمك

الدراسة والاختبارات والبحوث

هنا راح اتكلم عن تجربتي تجربة غيداء بصفر في ماجستير جامعة ام القرى تخصص الاحياء الدقيقة السريرية

الدراسة 

النظام كان عبارة عن محاضرات في جميع المواد كنا ناخذ فيها معلومات بكميات كبيرة لكن احنا على علم انها راح تفيدنا قدام

 الدراسة في الماجستير تحتاج تقرا تحتاج تبحث عن المعلومات تحتاج تسال في كثير أقابلهم ينحرج يسال مافي احد يعرف كل شيء كلنا نحتاج نتعلم
ونص العلم في السؤال
أسأل وابحث وخليك دائما شغوف في تعلم المزيد والمزيد وتاكد عندما تكتفي راح توقف مكانك

الاختبارات والبحوث 

  • تحتاج يكون عندك علم بمواقع راح تفيدك في دراستك مثل (NCBI ,SDL)
    NCBI

SDL (المكتبة الرقمية السعودية )

هنا ثلاثة مواقع ممكن تفيدكم

  1. موقع عمل المراجع  من هنا
  2. مواقع عمل العروض بطرق جميلة  من هنا او من هنا
  3. مواقع لعمل تصاميم البوستر

الاول  من هنا

الثاني من هنا

الثالث من هنا 

  • قبل ماندخل على نقطة الي بعدها حابة اتكلم عن شيء مهم جدا في الدراسة
    دراستك في الماجستير مختلفة عن المراحل الي قبلها هنا انت راح تكون متخصص + راح تستعد للمرحلة القادمة باذن الله وهي الدكتوراه ماينفع تفكر في الدرجات فقط ماينفع تفكر في مسمى وظيفي فقط ماينفع تفكر في التخرج فقط

 الصعوبات وكيفية حلها

الصعوبات مثل

  • معلومة صعبة الفهم
    عندك طرق كثير لحالها ممكن تشوف مقطع يوتيوب يشرحها + تسال الدكتور + تسال صديقك + تسالنا في تويتر واهل العلم راح يساعدوك
  • كيف ارتب وقتي
    في برامح تساعدك ترتب المهام حقتك مثل برنامج التقويم جميل جدا

 

 

  • ارق وتعب وافكار سلبية
    دراسة الماجستير فيه اوقات تحس بتعب بضيقة
    معليش كلنا نمر بهذا الشيء لكن هناك هدف جميل هو الزيادة في العلم استمتع لا تفكر في امور ترهق بالك فكر في حلمك في شغفك
    الله يسعده د.ايمن اول يوم قال لنا حاجة ماننساها ابدا (ابغاكم تتخيلوا نفسكم في حفلة التخرج)

 اغتنام الفرص

  • كيف اغتنم الفرص
    بكل بساطة في مرحلة الدراسة راح يمر عليك الكثير من الدكاترة في مختلف التخصصات اغتنم الفرصة بانك تتعلم منهم تسألهم تستفيد من محاضراتهم و مراجعهم
  • هذه فرصة جميلة لاتفوتها لا تفوتها كلمهم اسالهم عن الاوقات وطريقة التواصل المناسبة لهم

  •  اغتنام الفرصة
    أيضا كتابة جميع المراجع والمعلومات الي تحصل عليها لانها اكيد تفيدك قدام راح تكون مرجعك لو نسيت المعلومة ترجع لها

 مفاهيم خاطئة و نصححها معا

  • كل الجامعات ترفض الموظف يكمل ماجستير لازم يكون متفرغ

انا بدرس ومعايا مجموعة جميلة من جنود الصحة موظفين ويدرسوا ماجستير

  • الماجستير لازم تكون تعرف معلومات كثير ولا ماتقدر تمشي فيه

خطأ تحتاج يكون عندك معلومات لكن مو لازم كثير

  • حصولي على الماجستير يأثر على تقديمي في الوظائف

بكل بساطة انت عندك عرض وظيفي ومتأكد منه اتوظف والماجستير وانت موظف تكمله لكن شخص بحث عن وظيفة اكثر من مره ومالقي وعنده فرصة يكمل يترك الفرصة عشان ممكن تجي وظيفة

  • حصولي على الماجستير يصعب عليا اتوظف

على حسب الوظيفة اذا كانوا يحتاجوا اخصائي او اخصائي اول + تقدر تختار على فكرة انك حاب تتوظف بشهادة البكالوريوس اذا جاتك فرصة وطالبين اخصائي

بكل بساطة جاتك فرصة تكمل وماعندك سبب يمنع لا تفوتها عشان كلام غير صحيح

  • غيداء طيب انتِ استفدتي من دراستك الماجستير بكل صراحة ؟؟
    راح اجاوبكم بكره باذن الله بالتفصيل كيف كانت غيداء قبل وبعد
    شكرا لحماسكم اي اسئلة اكتبوها وراح ارد عليكم وربي يوفقكم ويختار لكم الافضل والانسب لكم في حياتكم

ولا تنسى قبل ماتبدا اي خطوة في حياتك صلي الخيرة