نتكلم هنا عن التعامل مع القدم السكري حيث تتسبب بحالات بتر كتير بسبب السكر أمريكا نفسها بيحصل فيها 74 ألف بتر سنويا بسبب السكر
لكن هناك إجراءات ممكن تقلل من نسبه الوصول للبتر باذن الله

التعامل مع القدم السكري

  • بداية القدم السكري لها طريقين
  1. طريق الباطنة “أو الغدد الصماء”: وهذا غرضه انك تتابع فيه مع دكتور باطنة عشان يظبط السكر ناس كتير بتهمل الطريق ده وبالتالى القدم بتتدهور اكتر
  2. طريق الجراحة :  اللي الكلام عنه فيه تفاصيل اكتر عشان هذا الجزء الأهم فى متابعة القدم السكرى

ما هو القدم السكرى

يعنى أى قدم مريض سكر فيها جرح.

ما هي  المشكله يعنى ؟

مريض السكر بيبقى عنده تلات مشاكل رئيسية
  1. التهاب أعصاب طرفية
  2. مناعة ضعيفة جدا
  3. نقص فى الدم اللى واصل للأطراف
مريض السكر مع الوقت يفقد الإحساس برجله ؟ يعنى هتلاقى الشبشب وقع من رجله من غير ما يحس لنفترض أن شخص عادى وهو حافى داس على مسمار هيصوت من الألم مريض السكر ممكن المسمار يخش فى رجله ومفيش أى ألم نهائيا بسبب ضمور الأعصاب الطرفية
المسمار ده لو خد باله منه هيخرجه ويعيش عادي بس ده حرفيا أول مسمار فى نعش رجله لو متوجهش لدكتور جراحة فى خلال 48 ساعه. ليه؟
لأن مناعته ضعيفة وأكيد المسمار كان شايل بكتيريا وبلاوى جسمه مش هيقدر يقاوم البلاوي ديه فالموضوع بينتهى بخراج
الخراج ده لو متلحقش سريعا بيسرح فى رجله زى النار فى الغابات يعنى بالليل الخراج ممكن يكون 2 سم الصبح ممكن تلاقيه واخد نص القدم من تحت انتشار متوحش وبشع محتاج تدخل جراحى عاجل

نصائح لتجنب الاصابة بالقدم السكري

  1. تظبيط السكر باستمرار
  2. ممنوع لبس اى حذاء ضيقه لسببين الأول :الجزم الضيقه بتقلل الدم الواصل للرجل اللى هو قليل أصلا و الثاني : الجزمة الضيقة مع احتكاكها بالجلد ممكن تعور رجله وإنت عارف أى جرح بيتلكك أنه يعمل خراج ويخش فى قصة مش كويسة
  3. لازم شراب جديد كل يوم
  4. لازم مريض السكر يعمل تلات حاجات القدم قبل النوم الأولى :  يغسلها بميه وصابون الثانية : يرفع رجله يفحصها أو حد يفحصها يشوف فيها جروح أو أي حاجة حادة مسمار دخل فيها وهو مش واخد باله
اقرأ اكثر  كيتو دايت دليلك في نظام الكيتوني

متى يجب زيارة دكتور الجراحة؟

  1. بتفحص الرجل لقيت جرح
  2. بتفحص الرجل لقيت أى مسمار أو أي جسم غريب دخل الرجل
  3. لو دكتور الجراحة قالك هنغير على الجرح وفى يوم لقيت الجرح ريحته وحشه جدا وبيطلع ماده صفرا لزجه صديد
  4. لو لقيت لون الرجل بدأ يتغير بدأ يبقى اغمق أو لون من الصوابع بدأ يبقى أسود ده معناه نقص التغذية الدموية ومحتاج دكتور أوعية / جراحة

التعامل مع القدم السكري