امس اكملت ١٠ الاف كم واجريت الصيانه في الوكاله بقيمة ٧٢٠ ريال. تجربتي مع السياره موديل ٢٥ الشكل الجديد فل كامل مرضيه والحمد لله بشكل عام قياساً على السعر والقيمة .نبدأ بالإيجابيات: السعر تنافسي بالنسبه لنفس الفئة، الداخليه وسيعه والاكسسوارات الاضافيه من شاشه وكاميرات فرق كبير عن الياباني والكوري اللي بنفس السعر ولافي مقارنه. بالنسبه للمحركات والأداء ماواجهت اي مشكله الحمد لله غير مشاكل بسيطه مثل تعليق اشارة حساس الكفرات وحليتها وقت الصيانه وهي مسألة برمجه ؛ مسألة تأخير الدعسه وهذي ماشوفها مشكلة لأني سواقتي هاديه ورجلي ماهي حاره  داخل البلد والمدينه ولاحظت تحسن مع الوقت في الاستجابه بالنسبه للطلعات والعزم انا بشكل دوري اطلع مع جبل الهدا للطايف وهنا تصير سواقتي العكس يعني ماهي هادية ورجلي تصير حاره داعسه للأخير كأني في سباق لأن هذي عادتي للأمانة والسياره عزمها مرضي وجيد جدا بالنسبه لسياره ٤ سلندر ومعجبني مقارنه بالاكسنت اللي عندي.  العزل لابأس فيه يعني معقول ومرضي وكافي بالنسبة للقيمة والفئة . التكييف اذا كانت المروحه على رقم ٣ يكون كافي لي اذا اقل تحس الدفع ضعيف شويتين لكن يبدو هذي احد سلبيات السياره لكن ماهي سلبيه كبيره بالنسبه لي شخصيا. البنزين من اول يوم اعبي احمر وصوت المحركات طبيعي يعني الشخره اللي يلاحظها البعض ماواجهتها. الملاحظات في القروب تخليك توسوس شوي وهذي مشكلة اي قروبات مانشوف الا المشاكل او طلبات المساعدة والصيني فيه فكره معينه وقديمة انها سيارات غير موثوقه نوعا ما وتعززها الملاحظات في القروب رغم انه لو تدخل اي قروب سيارات ثاني تلقى عندهم ملاحظات ومشاكل لكن السمعه لصقت بالصيني سبحان الله ولو انها خفت كثير عن أول. ممكن تلاحظ احيان ملاحظات غريبه وبسيطة في السيارة على العموم لكن تختفي مباشرة وتبقى في تجربتي امسك خط طويل وهذا ابسويه قريب لأحد دول الخليج زيارة سريعة وبناءا على تجربة ال ١٠ الاف كيلو السابقه ابسويها وانا متطمن باذن الله. الله يكتب البركه للجميع فيما يملك وكل الشكر لمن يمد يد المساعدة في القروب من اعطاء نصائح او ايجاد حلول أو اقتراحات او يحكي تجربة او اي شكل من أشكال المساعدة