يا شباب صبحكم الله بالخير..
بقول لكم تجربة بخصوص الـ MG5 يمكن تفيد أحد منكم. أنا كان ذابحني صوت "شخرة" بالموتر، صوت غريب ومستفز يطلع لي سواء كنت واقف عند إشارة أو وأنا ماشي، لدرجة كنت شاك إن في شي بالمكينة وقروشتني الصراحة.
جربت قبل فترة أحول بنزين **95** بدال **91**، والصدق يا جماعة الموتر تغير 180 درجة! الصوت هذاك اختفى تماماً والمكينة صارت أهدى وصافية، وحتى العزم تحس الموتر صار أنفس وما هو بمكتوم مثل أول.
نصيحتي للي يبي يحول:
لا تستعجل بالحكم من أول مرة تعبي فيها، انتظر لين يخلص الـ 91 اللي في التانكي لآخر شي، وبعدها عب 95 وجرب تانكيين ورا بعض عشان تنظف المكينة وتشوف الفرق الحقيقي بالصوت والراحة.
فرق السعر بسيط بس الصراحة راحة البال وهدوء الموتر تسوى.