سلام عليكم
اشوف فيه ناس تسأل اذا يقدر يركب ليدات الفل على الستاندر وبقولكم تجربتي
اذا انت ستاندر لاتفك الشمعة و تركب الليد ( لا ترهم ) الافضل انك تركب نور النص فل او الفل الي بدون هيلوجين لان الهيلوجين حار ومافيه قطع تبريد او تشتيت حرارة و الحرارة هي المسؤول الاول عن خراب الليد الانوار تركب و امورها تمام لكن اهم شي تسويه عشان تحافظ على الليد سواء من الاحتراق او الصفار او عشان تاخذ اقوى اضاءة انك تركب ضفيرة اسمها DRL

الليد اذا شبكته على السكن
اولًا بيكون ضعيف
ثانيًا ما راح يشتغل الا اذا دقيت السكن يدويًا
غير كذا احتمال يكون الفولت متذبذب بيخرب بتالي بيخرب الليد عليك بعد كم شهر
فعشان كذا ضروري تركب ضفيرة الـ DRL تلقاها في التشليح او عند محلات قطع الغيار

الضفيرة هذي تخلي الليد شغال بشكل نظامي ووكالة 100٪
بحيث يكون الليد شغال ونوره قوي اول ما تدق السويتش بدون ما تحتاج تشغل السكن
واذا شغلت الانوار تضعف اضائته نفس الوكالة

والليد الضعيف هذا هو اللي بيكون شغال عندك طوال الوقت اذا ما ركبت ضفيرة الـ DRL
غير كذا انها تعطيك ثبات بالفولت وهذا اللي تحتاجه عشان تحافظ على الليد
بالاول و الاخير ((( اشتغل عند كهربائي فنان)))
و ايه نعم الضفيرة و الانوار بتطلع من الضمان فلا تسويها الا اذا كنت خارج الضمات او بتتحمل خروج ضفيرتك و انوارك من الضمان
كملة الشهر الخامس بالليدات و الحمدلله ماعانيت من اي اشكال
وبالتوفيق للجميع .