7 خطوات ناجحة لبداية نظام غذائي صحي عن تجربة

• الأكل ونظامك الغذائي هو أهم شي لأن النظام الغذائي مرتبط بكل شي بالبشرة بآلام الدورة بالتشنجات وأغلب الأمراض لازم لها جذر وصلة بالنظام الغذائي تخيل حتى فرط الحركة وقلة الانتباه عند الأطفال أسبابها ترجع للغذاء حتى الاكتئاب والتوتر والحالة النفسية مرتبطة بالأكل والتغذية؟
• هناك رابط وثيق يربط بين صحة الأمعاء والدماغ أبسط مثال تعرفون لما تمرون بموقف وتحسون بفراشات بالمعدة ايوا هذا بالضبط مثال عل ارتباط الأمعاء بالحالة العصبية أدلة عديدة أثبتت أن في حالات تهيج الجهاز الهضمي الجهاز الهضمي يرسل إشارات للجهاز العصبي إلي تسبب تغيرات مزاجية وهذا أكيد لأن بين الأمعاء والدماغ ناقلات عصبية هرمونية كثيرة مثال ثاني
• أول وأهم شي لا تجبر نفسك على النظام الصحي لا تأكل صحي وأنت ما تعرف ليش تسوي كذالكن عندما تعرف أضرار كل شي من الأكل غير الصحي بالتفصيل تلقائيًا تنفر منه وما تتقبله كذا يكون عندك قناعة تامة كمثال: نظام مليء بالسكريات = تكسر الكولاجين وتجاعيد مبكرة نظام مليء بالحليب ومشتقاته = بشرة باهتة شاحبة ومليانة حبوب طبعاً هذا المثال ولا شي هذا قطرة ببحر من أضرار السكر والحليب والكاربوهيدرات غير الصحية الأكل والامعاء مرتبطة بعلاقة مباشرة مع الحالة المزاجية وهرمونات السعادة والرضا والنوم والتعب والقلق كله مرتبط بالأكل
• خلي هدف لنفسك ليش راح أبدأ نظام صحي؟ عشان التكيس عشان أنزل وزني عشان أحصل بشرة بدون حبوب بشرة كلها نضارة عشان أعالج خربطة الهرمونات عندي تذكري وحطي ببالك كلما فكرتي تاكلين فاست فود وسكريات لذة الأكل كم راح تدوم؟ 10 دقايق؟ ربع ساعة نص ساعة؟ بس أثر هذا الأكل كم راح يبقى؟ شهور وسنين

كيف أبدأ بنظام صحي؟

نتحدث عن كل شي مع البدائل

1.  basically نقطع السموم الأساسية المشروبات الغازية السكريات والحلويات الغير صحية والخبز والرز مو مثل ما تفكرون النظام الصحي مو معناه ما ناكل شي حلو الحلويات الصحية كثيرة المحليات الصحية (بديل للسكر صحي وطعمه حلو بس ما يرفع السكر بالدم ولا له أضرار ع المدى البعيد ) المحليات الصحية بدون side effects هي ١.مونك فروت ٢.ستيفيا ٣.ارثرتول انتبهوا تكون صافية يعني غير مخلوطة بمواد أخرى مثل سوربتول ومالتودكسترين وغيرها أعتقد بسوي ثريد كامل عن أختيار المحلي المناسب هذا كمثال منتج خليط مونك فروت وارثرتول ملاحظة: السويتنرز الشائعة بالأسواق هي منتجات تروبيكانا سلم كلها سيئة وغير آمنة للأستخدام +عن تجربة مو الكل يتقبل طعم الستيفيا الصافية عشانها مُرة والمونك فروت هو أقرب شي لطعم السكر
2. الخبز والمعجنات والطحين بصورة عامة كلها متاحة لكم لكن بطحين اللوز وجوز الهند صحيين ومفيدين كقيمة غذائية
3. الرز بديله هو رز القرنابيط  مو ضروري ولا أساسية هذه البدائل و ممكن قضاء فترة طويلة بدون بدائل بس للي يحب.
4. النظام الصحي معناه قطع الدهون والعيش على الأكل المسلوق والمشوي؟ الدهون مهمة للجسم وفوائدها كبيرة الدهون تشكل جزء كبير من طبقات سطح بشرتنا إذا قطعتي الدهون لا تستبعدي بعد فترة تلاحظين شحوب وذبلان بالبشرة بس هذي مو أي دهون هذه الدهون الصحية بس يعني آكل كل شي مقلي بطاطا مقلية بزيت عادي؟ لا الدهون لازم تكون صحية مثل زيت الزيتون (غير مناسب للطبخ) زيت جوز الهند وزيت الافوكادو وزيت السمسم وغيرهم الأهم ما تكون زيوت مهدرجة كمثال زيت جوز الهند لازم تقرون عليه cold pressed, extra virgin, unrefined
5. ضيفي قبل ما تقطعي ضيفي أشياء صحية لروتينك اليومي بالأكل ضيفي سلطات وخضراوات بشكل يومي بالبداية يمكن ما تتقبلين بعدين راح تحبيها كل شي بالتعويد ضيفي صلصات وتفنني ونوعي بالطبق
6. green juice العصير الأخضر أفضل طريقة ساعدتني حتى أقدر أخذ حاجتي الكاملة من الخضار الي هي 7 أكواب باليوم من خلال خلطهم وشربه كعصير
7. الصيام المتقطع intermittent fasting الصيام المتقطع له فوائد لا تحصى ولا تعد الفكرة انك تحافظي على الانسولين ثابت لأطول فترة ممكنة لنزول الوزن والكرش والخواصر الصيام المتقطع مثبت علمياً بفاعليته على الدهون وخاصة الكرش والخواصر من خلال تقريب موعد الوجبات وباقي الساعات تكون صيام (الماء والمشروبات الي ما تكسر الصيام مسموحة) عدد الوجبات حسب الغاية نزول الوزن أو صعوده