اهم 10 نصائح امنية لحماية انفسنا على الانترنت
من الضروري على جميع مستخدمي الانترنت ان يكونوا حذرين لحماية انفسهم عند استخدامه و لذلك لدينا مجموعة نصائح امنية تساعدكم على ذلك
10 نصائح امنية
هتكلم عن شوية نصايح أمنية علشان تحمي نفسك على الانترنت
- كل شي متصل بالانترنت هو هدف (الهواتف، اجهزة الكمبيوتر، الساعات الذكية، أو حتي ماكينات القهوة) بياناتك أو فلوسك مهمين واي شخص ممكن يتم استهدافة ومش بالضرورة يكون حد بعينه
ممكن يتم استهداف مجموعة من الناس في اي دولة او يتم استهداف مجموعة تانية العامل المشترك بينها مثلا انها بتستخدم جهاز او تطبيق مصاب بثغرة معينه وومكن تكون أنت حلقة في سلسلة أختراقات للوصل لهدف أكبر
- ما تستخدمش نفس الباسورد لكل حساباتك لان لو تم تسريب بيانات أحد الشركات اللي أنت مسجل فيها في أحتمال كبير أنو يتم أختراق باقي حساباتك
- حاول بقدر الامكان يكون الباسورد يكون قوي وما يقلش عن 12 حرف ويكون عبارة عن خليط من حروف ورموز وارقام
- استخدم المصادقة الثنائية ودي هتحميك من ان حد يسرق حسابك حتي لو معاه الباسورد، عن طريق أنك بعد ما بتسجل الدخول التطبيق بيبعتلك رمز مؤقت في رسالة أو علي الايميل علشان يتأكد أنك صاحب الحساب
- تحديث التطبيقات بشكل مستمر هيقلل من فرص الاختراق
- تجنب تثبيت تطبيقات من مصادر خارجية أو مصادر غير موثوقة
- أتأكد من وانت بتتصفح أي موقع أنو شغال HTTPS لو الموقع شغال HTTP فانت معرض ان بياناتك يتم أعتراضها وسرقتها او التلاعب فيها
- غطي كاميرا اللابتوب ب(sticker) ممكن يتم أختراق الجهاز وتشغيل الكاميرا من غير ما تاخد بالك
- استخدم مانع اعلانات adblocker مش بس هيحجب الاعلانات العادية دا هيحميك من الاعلانات اللي ممكن تكون ضارة
- استخدم Antivirus
- لو بتتصفح الانترت من واي فاي عام وهتبعت بيانات مهمه حاول تستخدم vpn او استخدم بيانات الهاتف بدل الواي فاي
