افضل 6 طرق زيادة التركيز والانتباه و إبعاد التشتت

تجربتي في طرق زيادة التركيز والانتباه و إبعاد التشتت هنا بقول لكم تجربتي الشخصية وكيف تعاملت مع التشتت و ضياع التركيز من خلال تجربتي انا  يمكن تنفع معكم وتفيدكم

• لازم نعرف ايش هو التركيز ؟

  التركيز هو التفكير في شيء معين و توجيه الطاقة بشكل رئيسي على هذه العملية و بدون ما نفكر بشيء اخر ونشغل تفكيرنا فيه

• عكسه يجي التشتت : التفكير في عدة امور في نفس الوقت و بكذا ينصرف التركيز و يضعف عندنا

خطوات فعالة لزيادة التركيز

1. اول شيء سويته عدلت نومي صرت انام بدري واصحى بدري و هالشيء فرق معي في امور عديدة ماهو بس التركيز
2. قللت استخدام السوشل ميديا بشكل كبير و ركزت على تطوير نفسي اكثر حددت لي فترة معينة امسك فيها الجوال
3. المشي يوميًا لمدة ما تقل عن 30 دقيقة لكن بدون جوال و بدون ملهيات عشان تصفي ذهنك مو تمشي والسماعات في اذنك
4. أيضًا عندكم التأمل يفيد مرة ويصفي الذهن
5. الاكل الصحي كان له دور كبير انا من عشاق المطاعم بصراحة الاكل اللي يجيب تخمة لذيذ بصراحة لكن كله يرجع عليك بالسوء من غير الأمراض كفانا الله شرها
6. القراءة بلغة اخرى اشوفه يزيد التركيز  و كانت فرصة لي ازيد تركيزي و اطور لغتي الانجليزية عصفورين بحجر واحد