اذا تبي تروح ايطاليا و تبي رحله سهله مدتها من 10 ايام الى 20 يوم
و انت مو عارف شنو جدولك او وين تروح انت حالياً بالمكان الصحيح
هذا اسهل جدول حق ايطاليا و بسيط و تقدر تستعمله بالقطار او السياره ..
#ثريد_بلو
في البداية قبل لا تخطط للجدول لازم تعرف معلومات عن ايطاليا
و انصحك بهذا الثريد كتبت فيه 37 معلومه مفيده ما راح تلقاها في النت لانها من نتاج تجربه شخصية
1- روما – ROME
دائما انصح الكل انه يروح لمدينة روما كأول وجهه له في ايطاليا
تصلح تقعد فيها من 3 ليالي الى 5 ليالي
سواء رحلتك قصيره او طويله روما افضل خيار لك
2- فلورنسا -FLORANCE
.
من بعد روما تتوجه الى فلورنسا
المسافه تقريباً بالسياره 3 ساعات
و القطار ساعه و ثلث
انصحك بين 3 ليالي الى 5
و لازم تخلي بجدولك نص يوم حق زيارة برج بيزا بالقطار بياخذ منك ساعه تقريبا
3- البندقيه – VENICE
اذا سفرتك اطول من 10 ايام لازم تروح لها
"مدينة العشاق "
ما انصحك تروح لها زيارة المدينة جميله تستحق ليلتين الى 4 ليالي
لان فترة الصباح و الليل جميله فيها
اما الظهر الى العصر مزدحمه بالسياح
4- بحيرة جاردا – GARDA LAKE
اذا كانت عندك سياره انصحك بشده تاخذ فيها ليلتين مجرد راحه و استجمام
طبعاً هذي البحيره موقعها بين البندقيه و ميلان
و فيها الكثير من المنتجعات و اسعارها معقوله
5- ميلان – MILAN
الختام دائماً بكل سفراتي الى ايطاليا ميلان
سواء رحلتك 10 ايام او اكثر لازم تروح الى ميلان
لسبب واحد السوق
احد افضل المدن في اوروبا انك تتسوق فيها
هذا ثريد سابق عن السوق في ميلان
ميلان عاصمة الموضه في ايطاليا
الكثير يسأل هل هي الوجهه المناسبة للسوق
هذا الثريد هو تجربة شخصية للتسوق في ميلان
مجموعه من النصايح و المعلومات الي بتفيد اي شخص حاب يزورها لغرض السوق
قبل كل شي اي نعم السوق في ميلان تقريباً ارخص من كل دول الخليج اتكلم من البراندات العالمية
و غير السعر عندك " التاكس فري " الي يتراوح بين 11% الى 15% و في بعض البراندات يوصل الى 18.5% من قيمة الفاتورة
لكن اهم معلومة النسبة تختلف بطريقة ارجاع المبلغ
اذا كانت كاش💶 او credit card 💳
الافضل من ناحية النسبة credit card “ الفيزا "
لكن عودة المبلغ الى حسابك يطول
اما الكاش المبلغ يكون عودته في نفس اللحظه بالمطار لكن بيكون اقل بقليل + عمولة الصرافه في بلدك
خلونا نتكلم عن الاوتلت
اوتليت سيرفالي
Designer Outlet Serravalle
هذا اللوكيشن يبعد 80 km عن ميلان
https://maps.app.goo.gl/5rhVUSH7XkyigDG48?g_st=ic
اوقات العمل من 10 صباحاً الى 8 مساءً
طوال ايام الاسبوع
هذا الموقع الالكتروني للاوتليت فيه جميع المعلومات عن الماركات المتواجده فيه
https://www.mcarthurglen.com/en/outlets/it/designer-outlet-serravalle/
و تقدر تحجز رحلة الاوتليت من خلال مكتب رحلات يوفر رحلات بالباص ذاهب و عودة
هذا موقع الكتروني للحجز
https://www.zaniviaggi.com/tour/serravalle-designer-outlet-shopping-tour-from-milan/
تكلفة الشخص الواحد ذاهب و عودة 20€
و هذا اللوكيشن مالهم و تقدر تحجز من المكتب نفسه
في الاوتليت في خدمة التاكس فري من خلال مكتب الضريبة المتواجد بالاوتليت
تقدر تستلم فلوسك كاش بعد ما تشتري ما تستلمها من المطار
لكن النسبة بتكون اقل ذا بتاخذها من المطار بنسبة 12%
بالاوتليت بتكون 09%
و هذا غير الزحمه
الحين نتكلم عن السوق
السوق في ميلان يفتح الساعه 10 صباحاً
و المحلات تصكر بين الساعه 7 الى 10 مساءً
اهم شارع للماركات
Via Monte Napoleone
يبتدي الشارع في LV و ينتهي في Rolex
و هذا غير الشوارع الفرعية المجاوره للشارع الرئيسي
لذلك اذا كانت نيتك سوق في ميلان انصحك تبحث عن فندق قريب من الشارع
لان اغلب الماركات الغاليه بهذا الشارع تقدر تشتري و تحط اغراضك بالفندق و ترد تكمل السوق
بعض الماركات في هذا الشارع
LV
D&G
AP
Rolex
Dior
Prada
Goyard
BVLGARI
Fendi
Saint Laurent
OMEGA
Burberry
Hermès
BALENCIAGA
Valentino
Bottega
BALMAIN
و غيرهم من المحلات
اما الشارع الثاني المهم هو
Corso Vittorio Emanuele II
بين الشارع الاول و الدومو
اغلب المحلات تفتح الى الساعه 10 مساءً
هذا اللوكيشن
هذي بعض المحلات
Zara
Michael Kors
NYX
Foot Locker
Sephora
Kiko
Bershka
Mango
MAX&Co.
Alcott
Loro Piana
Furla
و غيرهم من المحلات
و في اخر الشارع مجمع مكون من 7 طوابق فيه كل الماركات rinascente
المجمع نفس الهارودز و فيه عروض خصومات يومية توصل الى 10%
من خلال باركود عند كل محل
و هذا اللوكيشن
و عندكم الغاليريا
احد اشهر معالم ميلان فيه محلات لكن عددها قليل
لكن Gucci حالياً فرعه الوحيد في غاليريا
و مجمع rinascente المجاور له
بسبب اعمال الصيانه لفرعهم الرئيسي
عموماً ميلان مو محصوره في هذي الاماكن
لكن هذي تعتبر اماكن مجاوره لبعض و الشخص يحتاج ما يقل عن 5 ايام عشان يقدر ياخذ راحته بالسوق
معلومه المطاعم خارج الدومو تصكر 3 العصر و تفتح 7 بالليل
معلومه مهمه 🔴
يفضل تحطون المشتريات بجنطه منفصله
لان بالمطار احتمال يقولون لكم ورونا الاغراض الي شريتوها
عشان الوقت
في شغله مهمه سالني فيها احد الاصدقاء
وضع الامان في ميلان يعتبر ممتاز افضل من لندن و باريس و اسبانيا بمراحل
نادر تلقى المتسولين و الامن في كل مكان
و يعتبر الوضع امان اكثر من قبل كورونا
هذا ثريد سابق عن نصائح في ايطاليا
Originally tweeted by عبدالله المشوط (@AMeshwet) on October 19, 2022.
و اذا حاب تستكشف مناطق على خط رحلتك
هذا ثريد سابق عن 7 اماكن جميله و غير مشهوره في ايطاليا
📌🌎🇮🇹
7 اماكن تستحق الزيارة في ايطاليا
ايطاليا تعتبر وجهة سياحية مظلومه
و اغلب زوارها يروحون حق ميلان و كومو اسوء مكانين في ايطاليا
هذي قائمة لـ 7 اماكن تستحق الزيارة في ايطاليا اذا كنت تحب الطبيعه و الهدوء او التاريخ
قبل لا ابدأ هذا ثريد كتبته قبل فتره عن 37 نصيحه قبل لا تزور ايطاليا
نصائح بتوفر عليك مال و وقت
1 -Colle Di Tora
تكلمت عنها بتغريدة سابقه هذي هي
2- Sirmione
قرية صغيره ممتدة على لسان على اطراف بحيرة Garda
مبنية داخل حصن قديم و قلعه تستحق الزيارة
و كذالك بحيرة Garda تمتلك مجموعه من المنتجعات الراقيه على الجبال المطله على البحيرة
و بالقرب منها مدينة فيرونا و قريبه كذلك من فلورنسا
هذي صورتها من قوقل ماب و اللوكيشن
Sirmione
3- Novara
احد اكثر المدن نظافه زرتها بالعالم
مدينة صغيره و جميله بالذات السنتر
ما تعتبر مدينة سياحيه لكن جميله جداً تستحق ليله
و قريبه جداً من مطار ميلان 15 دقيقه فقط
فيها مجموعة مطاعم و مقاهي جميله جداً
و كذلك السوق ممتع فيها
صورتها من قوقل ماب و اللوكيشن
Novara
4-Lake Iseo
تقريباً قريبه من ميلان اذا كنت تبحث عن الهدوء و الراحه انصحك في هذي البحيره
تحيط بالبحرية عدة قرى و مدن صغير
و تتواجد الفنادق و شقق للايجار و اكواخ كذلك
صورتها من قوقل ماب و موقعها
Lake Iseo
5- Siena
مدينة اثريه فعلياً اول ما تدخلها بتحس انك رجعت بالتاريخ 500 سنه او اكثر
و قريبه من فلورنسا
صورتها من قوقل ماب و اللوكيشن
Siena
6- Modena
هذي المدينة يحق لها تكون اكثر مدينة مغروره بالعالم
هي الي انتجت لنا فراري و لامبورجيني
و جبنة البارميزان و خل البلسميك
و عندهم مطعم يعتبر احد افضل 10 مطاعم بالعالم
كذلك المدينة قريبة من فلورنسا تقدر تزورها نص يوم
هذي صوره لها من قوقل ماب و اللوكيشن
7- La Morra
اذا كنت تبحث عن اجواء المزارع و الريف هذي المدينة وجهتك
تمتلك طبيعه خلابه و قريبة من ميلان
صورتها من قوقل ماب و اللوكيشن
La Morra
و بما انك راح تروح ميلان بزيارتك لـ ايطاليا
هذي مجموعة نصائح و معاومات عن السوف في ميلان
سؤال هل تبون ثريدات اكثر عن ايطاليا
هذي هي 7 اماكن هل حاولت اجيب لكم الاماكن الغير مشهوره عند الكل
و اذا عندك مكان اضافي اتمنى تكتبه تحت عشان الكل يستفيد
Originally tweeted by عبدالله المشوط (@AMeshwet) on January 13, 2023.
المهم ترى هذا الجدول للناس الى اول مره تروح ايطاليا بسيط و سهل
و غير متعب للامانه و بتعيش بكل مدينه اجواء مختلفه
و لا تنسى تسوي بحثك الخاص في كل مدينة
اما موضوع الفنادق كل انسان يحب نوع معين من الفنادق
لذلك صعب اعطي نصيحه عن فندق واحد لان انا بنفسي اغير الفندق بكل سفره بنفس المدينة لانه حسب الهدف من السفره
و شكراً
Originally tweeted by عبدالله المشوط (@AMeshwet) on February 10, 2023.
