طريقة عمل اجندة جاهزة للطباعة بأدوات بسيطة جداً
قدمنا ضمن هذا المقال طريقة عمل اجندة جاهزة للطباعة بخطوات متسلسلة وبسيطة لمعرفتها تابع المقال,
كيف تبدأ بزنس تصميم و بيع بلانر و أجندات ؟
في آخر 5 سنين صار الاهتمام بالأجندات موضة و لليوم مستمرة.
الفكرة إنك يكون عندك دفتر مرتب تقدر تكتب فيه يومياتك و أفكارك و خططك لمختلف الأشياء في الحياة.
البزنس ذا مع تطور الأشياء اللي صارت حولينا صار سهل بس ممتنع و كتير ناس يبغوا يبدؤوا دا البزنس
- لازم الأجندة تبعك يكون عندها فكرة مختلفة.
- دور في السوق و شوف إيش الموجود.
- اشتري حبة من كل شي عجبك عشان تخليهم جنبك و تقارن بينهم.
- حاول تبدأ من الصفر بعد ما أخدت كل الإلهامات.
- جيب قلم و دفتر فاضي و جرب تكتب و تعمل البلانر سكتش
- أجندات ورقية مطبوعة أو إلكترونية
- بالتواريخ
- بدون تواريخ
- فيها حكم وفواصل و أشياء إضافية
- بدون إضافات
- يقدر الشخص يضيف عليها أوراق زيادة ويعدل أو لا.
- مسطرة أو منقطة أو سادة
- الجمهور المستهدف
بما إنه المنافسة عالية جدا فلازم تتخيل مزبووط مين حيستخدم دي الأجندة
لو أجندة رياضية، كم عمر اللي حتستخدمها؟ إيش تشتغل؟ كم عندها فلوس؟
كل ما حتعرف اللي حيستخدمها أكتر كل ما حتعرف كيف تعملها بطريقة مفيدة له و يحبها.
- تجميع الأفكار للدخول اضغط هنا أكتب Journal, Agendas
أعمل بورد و أحفظ فيها كل صورة عجبتك عشان تقدر ترجع لها. لا تاخد سكرين شوتس
- الكتابات: تقدر تكتب عامي أو فصحى, عربي أو إنجليزي.
- من فين تجيب أفكار كتابات؟
- طبعا الكتب.
- الانستجرام
- المجلات
- الإنترنت العظيم
- أفكارك النيرة
- التواريخ
إذا حبيت إنك تحط تواريخ تقدر تدور في جوجل و تكتب: 2020 calendar وبكدا يطلع لك كل تواريخ الأيام و بالأيام.
بالتواريخ تساعد الناس يرتبوا أيامهم.
بدون تواريخ الناس تستخدمها بأي وقت في السنة.
- التصاميم : الموضوع يحتاج يكون عندك حس فني شوي و شوية مهارات تصميم.
هنا موقع سهل فيه قوالب تقدر تعدل عليه اضغط هنا
تقدر كمان تستعمل هذا الموقع
اضغط هنا وتكتب بالبحث planner
و تحتاج تحمل برنامج أدوبي إلستليتر عشان تقدر تعدلها.
تقدر ترسل اسكتشات و تشوف مصمم يساعدك بإخراج الفكرة من خلال اضغط هنا و اضغط هنا
تقدر تشتري من هنا صفحات جاهزة وتعدل عليها
اضغط هنا
- تقدر تغلّف البلانر بطريقة السلك الحلزوني
- أو الخياطة
- أو التدبيس من الأطراف
- تقدر تضيف صفحات
- استيكرات
- فواصل شهور
- صفحات حكم
- صفحات تدريبية
- تقدر تطبع حبة و تغلفها عن طريق PrintDotSa ينفع إذا حتطبع عينة أو ماعندك كاش تطبع كميات كبيرة.
- إذا في كاش حوالي 5000 ريال أكيد علي بابا.
أكتب customized planner وقلهم عدد الصفحات و الأشياء اللي تبغاها و اشتري عينة اول عشان تشوف كل التفاصيل زي ما تبغى.
- إذا كانت إلكترونية تقدر تعمل موقع بسيطة على سلة و الناس يشتروها و يحملوها و يطبعوها هممن خلال اضغط هنا
إذا ورقية برضه تقدر تعمل موقع على سلة و تبيع فيه
إذا حبيت تعمل صفحة هبوط مرتبة للبلانر فتقدر تستخدم هذا الموقع اضغط هنا
-استعرض صفحات من البلانر وميزتها
لعبة البلانر تعتمد على اللايف ستايل بشكل بحت
ما ينفع كدا من الباب للطاقة تقول عملت بلانر.
أول أبني لايف ستايل و أبني جمهور لدا اللايف ستايل و بعدها تقدر تعمل البلانر و تسوقها لهم.
