ابغى انحف بسرعه كيف يمكن لي القيام بذلك ؟

Nice Topic 12 أغسطس، 2022
ابغى انحف بسرعه كيف يمكن لي القيام بذلك ؟

كيف انحف ؟ ابغى انحف بسرعه ، ما هي افضل طريقة يمكن لي اتباعها للحصول على افضل نتائج ؟

في هذا المقال راح انقل لكم تجربتي لهذا العام بعد نزول 20 كيلو في 9 شهور ونصف.

1. بالبداية لازم نعرف حاجة أن النحف سهل لكن الصعب أنك تثبت بعد ما تنحف ولا ندعي المثالية ونقول أبداً إذا نحفت ما راح ازيد خلال 9 أشهر ونصف مرت علي أيام كنت اخرب الدايت والنظام الصحي وارمي فيه عرض الحائط وازيد الى 2 كيلو بس لما اصعد الميزان واستوعب أني في خطر ارجع من جديد.

2. من الأشياء اللي تخليك فعلاً تصمد على نظامك وتحارب الجوع وتترك كل المغريات “هدفك”حط لك هدف ليه أنا ابي انحف ؟ وكم ابي اوصل وللأمانة خليك واقعي في إجابتك على السؤال الثاني يعني لا تقول 20 كيلو لا قسمها على أهداف صغيرة قول بالبداية 5 بحيث تطلع من مستوى إلى مستوى لنفترض من 65 إلى 60 .

3. لما تبدأ تنحف الكل من حولك بيلاحظ هالشيء وبتجيك نصائح ليه ما تأكل مثلهم وأنت تغذيتك خطأ وفجأة الكل بيصير أخصائي تغذية هنا دورك أنك ما تتأثر أهم شيء تكون عارف شنو تاكل بالضبط وماشي على نظامك وتحسب سعراتك الحرارية وعندك خريطة الطريق لا يجيك شخص مايدل الطريق يخليك ترجع وراء!

4. كيف احصل نظام غذائي ؟ إذا ما كانت عندك تجارب وخلفية سابقة لمدة سنوات طويلة او علمية او تخصصية وماشي على البركة انصحك باستشارة أخصائي التغذية ويعطيك نظام لأن هذا بيكون أسهل لك ولكن إذا كنت تحب تبحث وتقرأ يومياً وتحسب سعرة سعرة بيكون عادي جداً أنك تأخذ دليل وزارة الصحة وتمشي عليه.

5. هنا أحب أكد على شغلة أنا لست أخصائي تغذية وإنما حصيلة تجارب وممارسة منذ 12 سنة وجربت أنظمة غريبة ووقعت في أخطاء كثيرة ومنها النظام المائي لا أحد يفكر فيه كانت اسوأ تجربة بحياتي ولا انصح فيه بتاتاً خليك طبيعي وعيش مثل البشر ما راح اكذب عليك واقولك أكل كل شيء وقلل من المضر.

6. إذا تبي نتائج مرضية ومثل البشر حاول توقف شوية من عاداتك الغذائية السيئة مثلاً المشروبات الغازية والوجبات السريعة والحلويات والشوكولاه والشبسات وغيرها في بداية نظامك حاول أنك تبتعد عنها قدر الإمكان لما تصير قطعت مشوار طويل وقربت من هدفك النهائي هنا باقولك قلل مع حساب سعراتك.

7. الرياضة كيف ؟ ووين ؟ وكم ؟

اختار الرياضة اللي أنت تحتاجها أكثر يختلف لو كنت بنت عن ولد ويختلف من بنت إلى ثانية أماكن تجمع الدهون يمكن تحتاج تمارين للكتف أكثر ممكن للبطن ممكن للأقدام وهكذا أنت أعلم بنفسك، سابقاً كنت اروح نادي رياضي أما هذه السنة ما دخلت نادي كله بالبيت لمدة 45 دقيقة.

8.مريم كل يوم تسويين رياضة ؟ طفشنا.. اكيد لا بيمر عليك أوقات وظروف ما تقدر او مالك مزاج تسوي رياضة، والرياضة مثلها مثل غيرها من الأعمال تحتاج تركيزك يعني لاتجيب فلم وتتابع وأنت تسوي رياضة هذا يعطيك فتور ويقلل حركتك لكن ممكن تحط سماعات وتسمع أصوات وأنت تمشي.

9. كيف اعرف احتياجي من الرياضة أسبوعياً ؟ في رابط لوزارة الصحة يعطيك مقدار احتياجك من السعرات والنشاط الرياضي للوصول اضغط هنا.

10. شخصياً لا أحبذ رياضة الحرق لأنها تحرق كل جسمك ولما تنحف ما راح تكون راضي عن نفسك وتبدأ تسوي رياضة علشان تسمن ونجلس ندور في دوامة لذلك من البداية حدد هدفك وشنو الشكل اللي تبي تكون عليه بالضبط ومو مجرد رقم توصل له لاتنحف على سوء تغذية (وجه أصفر، جسم غير مشدود) اختر الوضع المثالي لك.

11. الوضع المثالي يعني الرقم المثالي ؟ لا طبعاً قلنا ما نتعامل مع مجرد أرقام هنا نقصد الصورة المثالية في بالك يختلف أنواع وأشكال الأجسام وتقدر من خلال التمارين والتغذية تشكل نفسك على الشكل اللي تبيه، يعني مثلا لما تلبسي فستان هل تشعرين أن فعلا نفس اللي تبين ؟ ولا حرق الجسم أثر عليك.

12. من واقع تجربة شفت بنات كثير بالنادي تروح لأخصائية التغذية وتقول أبي اسمن أحس أني مثل المسطرة أنا اختفيت ابي اكون مثل الوضع المثالي “المزهرية المنحوتة” فلا تقعين في فخ النحف المرضي القاتل اللي فعلاً يأثر عليك سلباً أكثر من يفيدك لا يأخذك الحماس ترى مو كل من نحف طلع بشكل رهيب.

13. اللّٰه مريم بنجلس شهور ننحف ابي خلطة سحرية انحف في شهر 10 كيلو، لا ياماما حتى لو خلطتك السحرية ضبطت معك بتنحفين موية وعضل بس من جسمك ولا الدهون موجودة ولا فقدتي شيء راح يكون شيء زائف.. كيف يعني ؟ الميزان يقول نحفت! الواقع أنك فقدتي مانحفتي فقدتي أهم شيء يخلي جسمك مشدود العضل.

14.كم المعدل الطبيعي لنحف شهرياً ؟ من 1.5 إلى 2 كيلو اللي وزنهم سمنة مرضية يمدي ينحف 3 كيلو بالشهر، طيب كم سعرة حرارية تاكلين صدقاً بعيد عن النظام الصحي اعتراف شخصي احاول ما اتجاوز 700 من السعرات الحرارية باليوم الواحد وشفت ناس ما تتجاوز 1000 ولكن اللي يبي شيء صحي يسمع كلام وزارة الصحة.

15. أخيراً النفس تستعجل الإنجاز وتبي توصل بسرعة وتبي نتائج مذهلة وتبي شيء خرافي وبنفس الوقت تبي تاكل أشياء غير صحية لها لذة لذلك بالراحة على نفسك مافي شيء بيطير والوزن مثل اللغة يحتاج وقت طويل علشان تصنع شيء خرافي وعادي لو مر يوم وخربت الدنيا ولكن الأهم لا تستمر في خرابك انقذ الموقف.

Before and after

ابغى انحف بسرعه

ومايمنع أنكم تغشون من تجربته مثلي للاطلاع من هنا.

مثال على وجبة صحية لا تتحمسون ترى مو دايم كذا بس قلت دامي سويتها اليوم اكشخ فيها عليكم ( أهم شيء الصدق لا أحد يخاف ويفكر لازم اصير لهدرجة بس مجرد كسر روتين).