تكلمنا في هذا المقال بشكل مفصل عن اجراءات الحصول على ورقة اصلاح نجم ومعاناة المواطن في حالة لا سمح الله وقدر عليه وسوى حادث سيارة و عنده تأمين شامل عشان يكون مرجع لكل الناس الي عندها اسئلة واستفسارات وما تحصل لها اجابة في النت لاني مريت بها وحبيت افيدكم.

بداية الاجراءات

  • نوع السيارة : هونداي النترا موديل 2016
    السيارة إيجار منتهي بالتمليك عن طريق البنك الاهلي
    نوع التأمين : اكسا للتامين التعاوني @AXA_Saudi
    تاريخ وقوع الحادث: السبت 2020/08/29
    طرف واحد
    اتصلت على نجم على الرقم 920000560
    جاء نجم و صور الحادث واعطاني التقرير ونسبة الخطأ علية 100% ( طرف واحد طبعاً ) اخذت السيارة بسطحة على التقديرات، للوصول لموقع التقديرات المرورية اضغط هنا.
  • رسوم التقديرات: 172.5 ﷼
    رسوم شيخ المعارض ( ايضا داخل التقديرات – لانه السيارة تعتبر تالف) : 57 ﷼
    خلصت من التقديرات اخذت الاوراق وتوجهت على البنك الاهلي للتمويل التجاري، للوصول للموقع  اضغط هنا.
  • البنك مباشرة قالي خذ الاوراق وراجع شركة التأمين ( هنا بدأت المرمطة ).
  • توجهت لأحد فروع شركة التأمين و مباشرة من اول ما دخلت مع الباب يقولك ارفع مطالبة عن طريق الموقع الالكتروني ( طيب ليش موظف البنك ما قالي كذا واختصر عليه ما علينا نكمل )
  • دخلت على موقع شركة التأمين و طالبين:
  1. ورقة التقديرات
  2. تقرير نجم ( الورقة الي كأنها ايصال صرافة احتفظ فيها )
  3. وثيقة التامين و رقمها
  4. رخصة واستمارة السيارة
  5. رسم كروكي للحادث و صورة السيارة
  6. ورقة سحب السيارة او اذن اصلاح من المرور
  7. رقم الايبان من موقع البنك
    ( شوي يقولون احلف بالمصحف انك مسوي حادث غير متعمد )

طبعا كل شيء جبته لهم بقي ورقة سحب السيارة لازم اطلعها من المرور.

ربما يهمك  عبارات تسويق منتج "اكثر من 60 عبارة تجدها هنا"

طريقة استخراج ورقة سحب السيارة

  • توجهت لمرور الناصرية يوم الاحد وجاي واثق ورسمي بموعد من ابشر وكل شيء وانصدم انه الوضع كأنك في حراج بن قاسم لا مواعيد ولا هم يحزنون وعالم وزحمة الله لا يوريكم المهم اسال فين ورقة سحب السيارة يقولونك روح قسم الحوادث دخلت قسم الحوادث فيه عسكري سألته عن الورقة، قال مين باشر الحادث:
    قلت له نجم وهذه اوراقي وكل شيء قال خلاص روح راجع نجم مخرج 5 !!
  • اتصل على نجم و سألهم ردوا عليه بخطاب موجه وارسله برابط مباشر ورسمي الى ادارة المرور بأن تصدر لي ورقة اذن سحب السيارة وارجع للموظف واعطيه الخطاب من نجم قالي روح مرور الملز ( طبعاً تصريف في تصريف ).
  • اروح مرور الملز واحصل انا بنفسي الورقة صغيرة وحاطينها على طاولة ومن جاء يعبي لنفسه الورقة و يروح يعطي عسكري يختمها لك مباشرة وانا من 8 الى 12 الظهر ابحث عن ورقة ما تسوى و هذه صورتها ( طبعاً ما استفدت منها شيء ولا احد طلبني طول الفترة )

اجراءات الحصول على ورقة اصلاح نجم

الخطوة التالية بعد الاجراءات

  • رفعنا المطالبة على موقع شركة اكسا، واعطوني رقم مرجعي على ايميلي بحيث انتظر 3 ايام عمل وهم راح يعطوني خطاب التوجيه وايش الاجراء الي اتخذه.
  • انتظرت اكثر من 3 ايام وما احد رد اضطريت اتصل عليه اكثر من مرة على الرقم 920008477 وبدون فايدة لو تدق شهر ما احد يرد عليك، للوصول لموقعهم اضغط هنا.
  • راسلتهم على تويتر على حسابهم @AXA_Saudi و تم التجاوب معي وارسلولي خطاب التوجيه لشركة الوعلان هونداي الي بمخرج 18، للوصول لموقعهم من هنا.
  • اخذت لي سطحة و اخذت السيارة و توجهت على الوعلان، شافوا السيارة وقالوا هذه تالف راح نعملك تقرير بالسيارة. وتدفع رسوم 207 ريال
ربما يهمك  افضل مواضع الحجامة للسحر و طريقة استخدام الحجامة

  • دفعت الرسوم واعطوني تقرير انه السيارة تالف وقالوا تواصل مع شركة اكسا وهي بتوجهك، هنا انسى انه يرد عليك من شركة اكسا للاسف، لكن بعد وقت طويل ارسلولي رقم شخص اسمه فيصل مدير ( ورشة جودة الاتقان ) للتواصل معه. للوصول لموقعهم من هنا.

  • تواصلت مع الاخ فيصل مشكور على تجاوبه و متعاون جداً، رحت له بالسيارة واعطيته واستلمها بموجب ورقة الوعلان انه السيارة تالف واعطاني ورقه استلام السيارة بحيث انه بعدها ارسلها للشركة وهي بتكلم الاجراءات ارسلتها مباشرة ووضحت كل شيء من تكاليف السطحة والايبان بملف PDF وارسلته.

وانتظرت بعدها

  • يومين عمل ولا فيه اي رد او تجاوب حتى شبيت عليهم في تويتر شوي و على طول وصلني ايميل من شركة التأمين انهم ارسلوا خطاب للبنك الاهلي عشان ينهي اجراءاتي ولا ادري وشو فيه من خطاب بس كذا تقعد تنتظر على هواك، بعدها بيومين برضه ما صار شيء كالعادة لازم تنبش شوي في الخاص في تويتر حتى يتحركون في إجراءاتك و الحمدلله تم اسقاط السيارة عن طريق خدمة تام ، ايضا اغلاق العقد بيني وبين بنك الاهلي.
  • رجعوا لي 82 ريال فائض زيادة بالمركبة مدري كيف حسبوها بس الحمدلله اهم شيء خلصت منهم وتوبة ما عاد اطلع من البنك الاهلي لو يعطوني بلاش.

 

  • رسالتي واتمنى توصل للشخص المسؤول انا الحمدلله عندي خبرة بالنت او بوسائل التواصل لكن الناس الكبار بالسن ولا يعرفون هذه الاجراءات كيف تبونهم يخلصونها معكم، ليش ما يكون هناك الية واضحه للجراءات ما بعد الحادث، كل حادث له مسار معين مرات لازم المرور يباشر ومرات لازم نجم.
  • ليش ما يلزم البنك بإنهاء كافة الاجراءات انا لست مالك السيارة مجرد مستأجر ليش انا اللي اقعد اطارد وراء شركات التأمين عشان انهي اجراءات سيارتكم ؟
  • مكاتب التأمين يا كثرة فروعها لكن مكتب واحد فقط للمطالبات ليش ما يلزم بان يكون كل فرع تأمين له فرع مطالبة.
  • بالنسبة للفواتير ،، جمعتها كلها حق السطحات و فاتورة التقديرات و فاتورة تقييم شركة الوعلان وارسلتها لشركة التأمين و ارسلت لهم رقم IBAN و بانتظر واشوف ما ادري هل بيعبروني ولا سيفون.
  • حبيت اضيف مكان وموقع شركة أكسا للمطالبات بحيث انه موقعهم ما هو واضح بقوقل ماب و اتوقع انه ما يبغون احد يعرفه، والافضل تروح لهم بدري من الساعة 8 لانه اذا تأ1ذخرت راح يخلونك توقف برا بالشمس ( تباعد ) عشان تطفش وتاخذ اوراقك وتمشي، تعليقات الناس اظن تكفي.
  • موقع شركة اكسا من هنا.
ربما يهمك  لاب كوت طبي أنواعه ومميزاته

مصادر.