ما هي طريقة التسجيل في ممارس بلس تسجيل جديد وما هي الخطوات التي يجب عليك القيام بها ؟

ممارس بلس مهم لكل خريج تخصص صحي فما راح يقبلك مستشفى خاص او حكومي الا ومعك تصنيف مهني من الهيئة

فاذا كنت خريج هذا المقال يهمك.

  • راح اتكلم هنا عن :
  1. طريقة التسجيل.
  2. المتطلبات والشروط .
  3. الرسوم المطلوب منك سدادها.
  4. المشاكل اللي ممكن تواجهك.
  • اول خطوة

راح تسجل بموقع ممارس عن طريق موقعهم من هنا.

  • نقاط مهمة اثناء التسجيل:
  1. الاسم يكون بالانجليزي مطابق للاسم المسجل باختبار الهيية اذا كنت مجتاز او مطابق للجواز اذا كنت غير مجتاز
  2. الايميل مايكون وهمي لان عليه رمز التفعيل + اي تحديث راح يكون عن طريق الايميل.

ممارس بلس تسجيل جديد

  • بعد ما تسجل ويوصلك ايميل التفعيل

اذا فعلت وطلع لك مثل الصورة فوضعك تمام.

اذا لا .. فتحتاج انك تتواصل مع الهيية او اسهل انك تسوي ايميل جديد وتسجل لان مافيه طريقة لإعادة ارسال الرمز.

بعد ما تسجل راح تكمل ملفك الشخصي

  • تاريخ الميلاد ضروري يكون ميلادي.

  • بعد ما تكمل ملفك الشخصي كامل راح تدخل على التصنيف المهني
ربما يهمك  ما هو الهاشتاق في تويتر و كيف يتم اسقاطه ؟

عن طريق خدماتي بعدين تختار التصنيف المهني (صورة رقم 1).

او عن طريق صفحة راح تطلع لك تختار منها التصنيف المهني (صورة رقم 2).

  • بعدها راح تطلع لك هالصفحة منها تقدر تطلع على الرسوم والمتطلبات

ذكرت بالصور: رسوم ومتطلبات التمريض (رسوم التصنيف المهني فقط).

قبل ما تبدأ بخطوات التصنيف المهني راح يطّلع لك هالاقرار

اذا كنت منقطع سنتين عن مهنة التمريض راح تحتاج تدريب ٦ شهور

قائمة المؤهلات ماتحتاجها اذا كنت خريج جامعة سعودية بس اجب بنعم

  • اول خطوة بالتصنيف المهني هي المعلومات الشخصية

تأكد من معلوماتك + اضف صورة شخصية وبطاقة احوال واذا بغيت تضيف جوازك بعد (ماهو الزامي)

  • بعدها راح تضيف المؤهل

وتضيف معه وثيقة التخرج + السجل الاكاديمي كامل

  • بعد ما تسوي حفظ للمؤهل عند خانة اضافة مؤهلات إضافية ( اضف شهادة الامتياز وتاكد ان التواريخ مطابقة )
    واذا تبي تضيف اي دورة تدريبية او شهادة معينة تقدر لكن ما هو الزامي

  • الان نجي لخطوة الخبرة

غالبا هالخطوة يحتاجها الشخص اللي اشتغل خارج السعودية

اذا ماتحتاجها سو تخطي لهالخطوة

  • بعدها نجي لتفاصيل الطلب

اذا كنت خريج جامعة سعودية غالبا راح تكون الاختيارات مثل اللي بالصورة

ربما يهمك  سبب تسمية وادي حلي بن يعقوب بهذا الاسم و المدن التي يمر بها

اذا من خارج السعودية فيه اكثر من برنامج بكالوريوس للتمريض

  • من ضمن خطوات تفاصيل الطلب

اختبار الهيئة ( اذا كنت مجتاز اختر نعم وأضف الشهادة اللي بها نتيجة الاختبار)

اذا ما اجتزت الاختبار وكنت مخلص الامتياز اختر لا وراح يرسلون لك رقم أحقية عشان تقدر تسجل بالاختبار

  • بعدها راح ينقل لك لملخص الطلب تأكد من كل شي وبعدها انتقل للسداد

السداد تقدر تسدد فيزا او عن طريق الصرافة

راح يوصلك على ايميلك رقم السداد والرمز

  • راح تسدد 200 ريال

بعدها تنتظر يومين الى خمس ايام وتجيك رسالة فاتورة بقيمة 900 ريال

  • بعد ماتسدد ال900 وكنت مجتاز اختبار الهيئة بالكثير تنتظر يوم واحد

وادخل لممارس عن طريق خدماتي اختر التسجيل المهني وتسدد 240 ريال رسوم تسجيل مهني لمدة سنتين

بعدها راح ياصلك ايميل انك مسجل بالهيئة ومصنف

هذي الخطوات كامل والمعذرة على التفصيل الممل بس عشان الكل يستفيد وماتواجهكم مشاكل.

🔴🔴مهم جداً

  1. الاسم بممارس يكون مطابق لاسمك باختبار الهيئة
  2. التاريخ يكون بالميلادي
  3. بدون مبالغة الاسبوع الاخير فوق 30 شخص يقول انا اختبرت واجتزت الاختبار وجيت اسجل بممارس ما القى درجتي السبب يكون احد الأمرين اللي فوق
ربما يهمك  اهم متطلبات اختبار الكلية الامنية و طريقة عمله

طيب لو اخطيت وما حطيت الاسم مطابق او كتبت التاريخ بالهجري وش الحل ؟

  1. تراجع فرع الهيئة ويعدلون لك الاسم او التاريخ وانت واقف عندهم
  2. او انك ترفع الطلب بشكل عادي كانك ما اختبرت وترفع بعده تذكرة من تواصل (عدم ظهور نتيجة الاختبار وترفق PDF النتيجة وتشرح المشكلة)

مصادر.