يتناول هذا المقال قصة مشروع سيارة ايسكريم لتجربة أحد الاشخاص في التجارة لاول مرة ،كيف بدأ؟ تطوره ؟الى اي حد وصل؟ لنتابع التفاصيل

مشروع سيارة ايسكريم

  • بديت بتدوير السيارة المناسبة وكلي ايمان ان هذا المشروع ابي اشتغل عليه في البداية لمدة شهر ثم اوظف وادرب شخص ، ومن ثم اشتري الثانيه
قصة مشروع سيارة ايسكريم

مشروع سيارة ايسكريم

واشتغل عليها واوظف شخص يعمل فيها وهكذا واصير ادير المشروع بشكل بزنس متكامل وقوي.

  • بديت في  تدوير السيارة ومن قوة ايماني كنت ادور على سيارة ايسكريم للبيع. ماكنت افكر اجرب او اسوي اي شيء ثاني.

كنت ابي اشتريها واتوكل على الله، ما كانت عندي اي توقعات من ناحية صعوبة العمليه أو التفكير الزائد.

كنت فقط ابي ابدا دورة على سيارات ايس كريم للبيع وللاسف ما حصلت، توجهة من اني ادور سيارة للبيع إلى سيارة للإيجار ومن بعدها اشتري وحده جديده واصممها مثل ما ابغى.

  • دورت على مستأجر وكانت العمليه سهله ما خذت مني وقت كثير.
  • استأجرتها وبديت اتعلم على المكينة وكيف استعملها وكيف احافظ على نظافتها. كان إحساس غريب ومخيف وممتع بنفس الوقت. لو تسألني وين المتعه فيه؟ متعتي اني قاعد اكسر حاجز الخوف عندي واوجهه وادخل في التجارة من اصغر مشروع ، ومع العمل ما كان اي احد من اصدقائي او اهلي داخل في التجارة ابدا، وما كان المجال هذا مجال ضبابي جدا بالنسبه لي”غير واضح”.
  • علمني المتسأجر كيف استخدمها ومن وين اشتري المعدات الايس كريم، ومن بعدها كنت متحمس أبدا مباشرة، رحت لمكان قليل فيه السيارات. وقفت السيارة وشغلت المكينه وفتحت نافذة البيع.
  • اول ما فتحتها بدا نبضات قلبي تزيد وبديت اخاف. هذي كانت اول مره اوجه فيها عميل واخدمه.
  • وصل عندي اول عميل وبديت اشتغل. طبعا اول ايس كريم ما ضبطته صح مع الخوف ، والعميل يناظرني. ومع حسن الحظ كان يدعمني”انت اول سعودي اشوفه يدخل في هذا المشروع”. بعد المحاوله الثالثه خدمته وقلت له خذ الايس كريم مجاني لانك اول عميل.بختصر القصه.
  • بدت تجربتي ومع كل عميل الخوف يتلاشا. كنت اجيب الفلوس واخدم العميل، ومنت اعرف تكلفة البسكوت والايس كريم من إلى، لكن ما كنت اعرف وش المبيعات ووش الارباح، كنت اتوقع الارباح هي المبيعات، ولا كنت افرق بين التكاليف الثابته والمتغيره ، واصلا ما كان عندي وقت التفت لهذي المعلومات.
  • فمن هنا تبدا علاقة مشروع الايس كريم مع التجارة الاكترونية وهي إدارة المال لمشروعك لان اساس هدف المشروع هو الارباح، وسهل جدا تنسى هذا الهدف وكيف تحسب هذا الهدف بدخلوك تفاصيل مشروعك الاكتروني، لانك مثلا بيكون بالك مشغول بكيف اجيب العميل وايش المنتجات الي بجيبها إلخ.
  • فتعلم من تجربتي وتعلم إدارة المال للمشروع واتبع نظام معين وسهل وواضح ،كيفية إدارة المال لمشروعك قبل ما تدخل في التفاصيل وتنسى الاشياء الاساسية والهدف الرئيسي من المشروع وهو الارباح

مصادر