افضل 20 نصيحه في مرحلة العشرينات

الإعلانات

أهم فترة في حياة الإنسان هي سن العشرين حيث يبدأ ينفتح على الحياة وفي مقالنا هذا تحدثنا عن أفضل 20 نصيحة في مرحلة العشرينات .

نصائح مرحلة العشرينات

في سؤال على موقع “Quora” عن إيه الحاجات اللي مفروض تكون في بالي أو أتعلمها في سن العشرينات؟ إجابات السؤال ده كانت فوق ال 100 إجابة وكل واحدة منهم مقالة تقريبًا، كل واحد بيشارك بنصائحه

 أفضل 20 نصيحة

اتقدمت لواحد تخطى العشرين (أو داخل عليهم) وهم كالآتي:

  1.  الحياة بدأت بالفعل ، يعني من بعد العشرين وأنت طالع خلاص مفيش حاجة اسمها لما أكبر مفيش حاجة اسمها في المستقبل، أنت دلوقتي في المستقبل، فلازم تبدأ تتعامل من المنطق ده لأن الانتظار هيخليك متأخر كتير
  2.  الصحاب مش “اونلاين” وبس ، بمعنى إن الصاحب بجد هو اللي جمعتك بيه مواقف وأحداث، اللي شاركك حاجات كتير في حياتك، مش مجرد معذولين في “Chat” وقاعدين تتكلموا من غير فائدة أو قيمة حقيقية، وقت الجد مش هتلاقي غير نفس الصاحب اللي عمره ما كان اونلاين بس
  3.  لو قررت تحب استحمل “كسرة القلب” ،  يعني أنت حر (كل واحد حُر) بس لازم تعرف إن الطريق ممكن ميكونش سالك دايمًا، وفي دائمًا مكان للإنكسار ده، فخليك مستعد لده كويس، عشان ده حدث هيعدي، لكن نتائجه طويلة المدى
  4.  المُذاكرة لا تنتهي بأخر امتحان في الكلية يعني لو أردت إنك تكون شخص مُميز لازم تكون دايما على علم ودراية بكل ما هو جديد في مجالك، ومكان ما بتتوقف معرفتك أنت بتنتهي
  5. كل حاجة “تستاهل”، لازم تاخد مجهود
  6.  متخليش “نقاط ضعفك” تعطلك، ركز دايمًا على نقاط قوتك، المهم تعرفها كويس وتحسن منها، وفي السكة وواحدة واحدة، اشتغل على نقاط ضعفك دي
  7. علاقاتك اللي اتكسرت وفشلت كل محاولاتك للإصلاح فيها، ممكن “تسيبها” وتتعلم ده عشان متقعدش طول عمرك بترمم في حاجة مفيش منها أمل
  8. متخافش من الخسارة، لازم هتخسر في حياتك أي حاجة، المهم تتعلم وتعرف أسبابها لأن لو وقفت كتير مش بس هتتعطل ده كمان هيوقفك عن اللي جاي، فتقبل الخسارة عادي
  9.  أنسب وقت لزراعة شجرة كان من 20 سنة، بس تاني أنسب وقت هو دلوقتي فمتأجلش حاجة لأنه مفيش ما يُدعى بـ “اللحظة المُناسبة” لفعل أي حاجة، خد خطوة وهي هتجيب الباقي وراها
  10. محدش هيساعدك، لازم تعرف ده الناس طاقة وكل واحد له طاقة محدودة، محدش هيديك كل مجهوده، ولا هيديك كل حاجة
  11. “العائلة” هي أهم حاجة في حياتك، حافظ عليهم كويس
  12. أوقات كتير الشغل بكل مجهود مش هو اللي بيجيب فلوس، أغنياء العالم بيشتغلوا أقل بكتير فاتعلم توظف نفسك صح وتدير فريقك صح ومتعملش كل حاجة بنفسك
  13. مش هتعمل كل حاجة ومش هتكون موجود في كل الأوقات بس اتعلم كويس تختار الحاجات اللي هتديها من وقتك وجهدك، الحاجات اللي هتختارها بدل من حاجات تانية كتير
  14. الحظ بييجي للمُجتهد
  15. متاخدش الناس اللي حواليك “For granted” لازم تحترم وجودهم وتحسسهم بده
  16. بعدين” معناها إنك مش هتعمل حاجة، ووقتك هو أهم حاجة في حياتك، لازم تتعلم ويكون عندك مهارة لتنظيم وقتك وترتيب أولوياتك
  17.  الأنتخة” وحشة، اتعلم يكون ليك تدريب بشكل منتظم ولو حبة مشي كل يوم، ده جسمك حاول تستثمر فيه كويس عشان ده اللي هيشيلك بعدين في كل حياتك
  18. على قد ما تقدر اتعلم من اللي حواليك، ضيف لخبراتك واتعلم ازاي تتحكم في مشاعرك واصرف على تعليمك واستثمر في نفسك
  19. كل حاجة “تكبرك” هي موجودة مباشرة بعد اجتيازك منطقة الراحة
  20. خليك جاهز عشان هتقابل “الظلم” مرات كتيرة في حياتك
ربما يهمك  اهم 3 متطلبات التقدم الى اختبار محترف إدارة المشاريع pmp

مرحلة العشرينات

مصادر