الإعلانات

إن كنتم ترغبون بمعرفة معلومات عن صناعة المحتوى وطرق نجاحه يمكنكم الاستفادة معنا من خلال قراءة مقالنا.

إيش يعني محتوى؟ و مين هم صناع المحتوى؟ إيش يدرسوا؟ و إيش يعملوا كل يوم؟ فين يشتغلوا و من فين يطلعوا فلوس؟ و كيف تبدأ إنت بصناعة المحتوى؟

مهارات صناعة المحتوى

  • المحتوى هو كل شي تشوفه حوليك على السوشال ميديا أو التلفزيون أو نيتفليكس أو حتى إعلانات الشوارع هدا كله محتوى.
  • المحتوى له 4 أشكال:
  1. نص
  2. صوت
  3. صورة
  4. فيديو

و أي شي تشوفه حوليك هو واحد منها.

  • من اين بدأت حكاية صناعة المحتوى؟

الموضوع بدأ من زمان جدا يمكن من أيام الفراعنة و قبلها حتى.
الجديد في الموضوع إنه الآن في عصر الإنترنت كلنا صرنا نقدر نصنع محتوى و دا المحتوى ينتشر بدال ما كان أول حكر على أشخاص محددين زي الممثلين و المغنين فقط.
عندك جوال؟ تقدر تكون صانع محتوى

  • المحتوى له أنواع مشكّلة زي المحتوى التعليمي مثلا أو الإلهامي أو الترفيهي و كل واحد من دول فيه له ناس تتخصص فيه و تتفنن
    المسلسلات مثلا النوع الترفيهي فيديوهاتي إلهامية و تعليمية أكيد طبعا تقدر تعمل خلطة ما بينهم بس مهم تعرف إنت إيش مختار عشان تعرف تقيس أهدافك و نجاحها
  • صناعة المحتوى من أكثر المهن ربحا في هذه الأيام

مسارين لصناع المحتوى

  1. مسار العمل بالمهنة: مثل كتابة المحتوى التسويقي أو نصوص المسلسلات مثلا أو تصوير المنتجات.
  2. مسار صناعة المحتوى لنفسك: مثل بناء براند شخصي لك و قناة على اليوتيوب و بودكاست خاص بك.

المسارين مربحين ماليا
المسار الأول:  راتب مباشر يبدأ من 5000 و ينمو على حسب مهارتك و سرعتك.
المسار الثاني: ربح مباشر من تأدية الخدمة للعملاء ربح من الإعلانات ربح من بيع المنتجات الإلكترونية و الغير إلكترونية ربح من الرعايات يبدأ من 5000 لكن بنمو أسرع.

لكن هي لعبة سهل ممتنع تحتاج إنك تتقن شوية قوانين فيها عشان مغارة علي بابا تتفتح لك و تستمتع بالكنوز اللي فيها

كلمة السر للمغارة دي هي: اتعلّم جرّب استمر و طوّر.
استعد إنك حتحط شغل لأيام مرة كتير و احتمال مافي أحد يشوفه.
استعد إنك حتحط محتوى كل يوم في حياتك.

طيب من فين تبدأ تتعلم؟ الجواب بسيط جدا ابدأ من نفسك إنت فكّر
إيش نوع المحتوى اللي إنت حتحب تعمله؟
تكتب أشياء طويلة أو قصيرة تسجل صوتك أو موسيقى مثلا تصور نفسك أطفال أماكن أكل تصور فيديوهات تطلع في الفيديو أو لا ما تعرف جرب لين تعرف

كثير من صناع المحتوى المحليين و العالميين ما درسوا تخصص بحد ذاته و ما احتاجوا شهادات مدتها سنين

أغلب المحتوى اللي تشوفه من إنتاج صناع محتوى اتعلموا بنفسهم و جربوا واشتغلوا لذلك كلمة ما أعرف و ما درست و مو تخصصي مو حجة إطلاقا لك

  • اختار المنصة المناسبة للي اخترته:

تويتر تدوين قصير سريع.
إنستجرام  صور و فيديوهات قصيرة.
يوتيوب فيديوهات طويلة نسبيا
جوجل و أبل بودكاست صوت
مدونة كتابات طويلة

  • ركز في البداية على نوع واحد و منصة وحدة لين تتمكن منها و تصير لعبة سهلة عندك.
  • اختار المواضيع و المشاكل اللي تبغى تحلها: ما ينفع تكون صانع محتوى لكل شي في الكوكب
    حتعمل محتوى للأزياء أو محتوى للسفر
  • حاول تختار 3 ل 5 مواضيع فقط و تدمج بينها بشخصيتك مافي باتمان حيحل مشاكل الكوكب كلها
  • اتعلم المهارات اللي تحتاجها عشان تتقن وجودك على المنصة اليوتيوب هو المدرسة الكبرى كل ما عليك تكتب اسم المهارة و بعدها كلمة tutorial و حتلاقي كمية دروس مهولة.
  • اعتمد دائما في البداية على المصادر المجانية و اتعلم المهارة و طبقها فورا عشان تستفيد.
  • أسأل جوجل أول دائما بأي شي.
  • هنا أهم المهارات اللي تحتاج تتعلمها:
  1. مهارة التعلم الذاتي
  2. تصوير صور
  3. تعديل صور
  4. تصوير فيديو
  5. تعديل فيديو
  6. كتابة
  7. تصميم
  8. إدارة سوشال ميديا
  • طيب اتعلمت كيف أشتغل؟
    لازم تعرض شغلك وإلا كيف حتقول للناس إنك فنان استخدم السوشال ميديا بإنك تعتبرها كأنها معرض أعمالك اللي تستعرض عضلاتك الفنية فيه اعرض الشغل اللي تبغى العميل يشوفه و يحس إنه يبغى يعمل زيه وريه قد إيش إنت خبير باللي بتعمله اتذكر: الطيور على أشكالها تقع
  • طوّر ستايلك الخاص و طبعا لأنها مهنة مربحة فحتلاقي مئات الألوف من الأشخاص بدؤوا يزبطوا حساباتهم
  • إنت غير عندك ستايلك الواضح اتجاهاتك أسلوبك طريقتك و سحرك الخاص و دا كله يتطور بالتجربة المستمرة و بالاطلاع على أعمال اللي يشتغلوا في نفس المجال.
  • و أخيرا: خلي عندك رسالة دائما الناس تحب الشخص الملهم اللي رسالته تكون جزء منهم و تلهمهم و تساعدهم يعيشوا حياة أفضل
  • رسالتك هي محركك الأساسي زي البوصلة تخليك تقرر تشتغل دا الشي أو لا.

صناعة المحتوى

مصادر