العمل اون لاين له متعة خاصة و دخله جيد كذلك نقدم هنا الكثير من الدروس المستفادة

دروس العمل اون لاين

أكتر من 40 درس اتعلمته خلال سنة كاملة اشتغلت فيها أون لاين و دخلي اعتمد تماما على المنتجات الإلكترونية.
  1.  مقولة: “المنتجات الإلكترونية ما تتباع في الأسواق العربية” إشاعة عظيمة ما أعرف من فين مصدرها الأسواق العربية متحمسة جدا الآن للمنتجات الإلكترونية و عليها إقبال ممتاز اللي يقلك مافي سوق قله مع نفسك.
  2. مافي أحد فعليا مهتم فيك الناس مهمتة بالشي اللي تقدر تعمله لهم وريهم الفايدة و علمهم وهم حيهتمو.
  3. إعلانات اليوتيوب و البودكاست ما تكسّب هراء الإعلانات تكسّب و فلوس ممتازة كمان.
  4. مافي شي اسمه ما أشتغل و تجي فلوس تحتاج تشغل كل يوم وكل دقيقة.
  5. تحتاج يكون فيه رسالة وهدف بدونهم غالبا ما حيوصل صوتك ولا منتجك للناس ولا رح يؤمنوا بالشي اللي بتعمله وبالتالي ما حيشتروا منك.
  6. المنتجات الإلكترونية تعيش فترة جيدة من الزمن تقدر ب 6 أشهر تقدريبا بدون تعديل تعديل واحد كل فترة يكون ممتاز جدا لاستمرار بيع المنتج.
  7. عشان تعمل منتج إلكتروني ناجح تحتاج إنك تلاقي فكرة و تحوّل البروسس لمنتج يعني مثلا نفرض بروسس التصميم الجرافيكي تحوّله لمجموعة كأنها mix and match مجموعة خطوط و مجموعة صور و مجموعة ألوان والعميل يخلطهم زي ما يحتاج و يطلع بنتيجته.
  8. تحتاج تبني براند أو براند شخصي قوي
  9. تحتاج تبني ثقة بينك و بين العميل عن طريق وجودك اليومي لدعمه و إرشاده.
  10. المحتوى المحتوى المحتوى هذا أكتر شي تحتاج تشتغل عليه إعمل محتوى ينقل العملاء من النقطة أ للنقطة ج علمهم و ساعدهم بشكل مجاني.
  11. خلي الحساب اللي بتشتغل منه مهتم بقضية وحدة واضحة بدون لغوصة واهتمامات مشتتة.
  12. اشتغل بنظافة بدون شرشحة يعني لا تحط مليون خط و مليون لون و مليون شكل و صورة مالهم أي علاقة ببعض درّّب عينك تشوف أشياء مرتبة من بينترست.
  13. أتعلم من المنافسين في مجالك ركز على الأجانب بلغات مختلفة
  14. طوّر أسلوبك و ستايلك الخاص في الكتابة و التصميم و اختيار المواضيع و رؤيتك الخاصة في قضيتك هذاا اللي حيميزك عن أي أحد.
  15. السرقة حاصلة حاصلة بس فين اللعبة؟ اللي سرقك ما يعرف يعمل زيك وحيفضل وراك دائما.
  16. ما تحتاج تكون أحسن واحد في مجال تحتاج إنك بس تكون قرش البحيرة يعني تكون أكبر سمكة في بحيرة صغيرة بحيث إنت تكون القائد فيها بسهولة زي مثلا مكان جغرافي أو جمهور من عمر معين.
  17. خلي سعر منتجك سهل و غير قابل للتفكير مرتين اعتمد على البيع لجمهور كبير.
  18. المحتوى المجاني يمنحك فرصة تستوعب السوق و تعرف إيش يحتاج و بالتالي تقدر تضيفها في محتواك المدفوع.
  19. حط 80% من محتواك بشكل مجاني و 20% بشكل مدفوع.
  20. في حساباتك حط كل النقط و في المحتوى المدفوع وصّل بين النقط دي.
  21. اعرض المنتج الإلكتروني على ناس توثق فيهم و خد رأيهم.
  22. حط لنفسك أهداف في البيع و ابدأها بشكل صغير يعني مثلا أول شهر حتبيع ل 50 تاني شهر ل 80 و هكذا اتحدى نفسك.
  23. راعي التوقيت اللي بتعرض فيه منتجك يعني لاتجي في وقت مافيه أحد و تحط الإعلان حتخسر.
  24. خلي الهدف من منتجك واضح للعميل حتشتري دا المنتج حيصير كدا.
  25. تحتاج تكون مضطلع بشكل كبير في مجالك تقرأ آخر الكتب و المدونات و تتابع الأشخاص المعروفين في دا المجال عشان تكون اول مين يعمل أبديت.
  26. التسويق بالتدوين شغال لسه.
  27. ركّز على منصة أو منصتين بالكثير لا تشتت نفسك.
  28. خلي البيع من منفذ واحد فقط عشان لا تقضي عمرك تعديلات.
  29. دائما فيه عدد من الأشخاص ما حيعجبهم عادي لا تقلق هذاا الطبيعي المهم تكون مستعد نفسيا لهذلا الشي. الأهم إنه ما يكون الكل مو عاجبه أو الأغلبية لأنه هنا معناها عندك مشكلة.
  30. كل ما تعرف جمهورك أكتر كل ما منتجك حيساعده أفضل وبالتالي يعجبه أكتر.
  31. استخدم منصة جاهزة للبيع لا تخترع الذرة من الصفر.
  32. العميل اللي اشترى منك هذا وثق فيك حاول تستثمر فيه شوية وقت زيادة عشان تكسبه عميل دائم.
  33. لازم تشتغل على المنتجات الإلكترونية تبعك كل يوم.
  34. رتّب ملفاتك بشكل يكون سهل عليك ترجع لها و احفظ منها نسخة أون لاين احتياطا.
  35. اختصر تنتصر.
  36. حيط نفسك بالأشياء اللي بتلهمك في جوالك في مكتبك في لابتوبك فيه مرات حتحس إنه ماعندك شي تقوله و تكتبه و حتشتغل هذه الإلهامات زي السحر حافظ على النمو اليومي حتى لو كان بسيط المهم فيه أرقام بتكبر بشكل يومي.
  37. من كل 10 منتجات إلكترونية حتعملها 1 حيضرب و حيجيب مبيعات أكتر من ال 9 الباقيين بس عشان توصل لازم تعمل ال 10.
  38. لازم تتعلم مهارات زي الكتابة بدون أخطاء إملائية عظيمة و شوية مهارات تقنية زي التعامل مع الإيملات و تجهيز المتجر.
  39. الصور و الكلام اللي حتحطهم في صفحة بيع المنتج من أهم الصور أديهم حقهم من الوقت.
  40. حاول تخلي كل شي أوتوميتد عشان يكبر بسرعة بدون تدخل مباشر منك.
  41. عليك بجدولة المحتوى عشان لا تحرق وقتك كله في صناعة المحتوى و يبقى عندك وقت للتطوير.
العمل اون لاين

Leave a Comment