كيف تتخلص من الشعور بالضغط النفسي دائما؟ تحس إنه عندك مليون شي تبغى تعمله بس ما عندك وقت يكفي نقدم هنا خطوات بسيطة تساعدك تمتلك حياتك و تستمتع فيها من أول و جديد
الابتعاد الشعور بالضغط النفسي
- إبدأ وضعية ال Reset “اعادة ضبط المصنع” أكتب كل شي آخد حيّز من عقلك حسب الأولوية و شيل الأشياء اللي ما تضيف لك لا معنويا ولا ماديا.
- رتّب حياتك رتّب كل التفاصيل المرتبطة بحياتك سواء بشكل مباشر أو لا بداية من مكتبك دولاب ملابسك أغراضك جوالك لابتوبك مهامّك علاقاتك باللي حوليك أهدافك خططك المستقبلية و هكذا كل شي ما تترك شي بدون ترتيب.
- عدّل روتين حياتك الحالي راقب إيش بتعمل كل يوم من أول ما تصحى لوقت النوم شوف كيف بتجري عشان تلحق الوقت و إيش أكتر الأشياء اللي توتّرك و أكتر الأشياء اللي تخليك تستمتع أعطي لنفسك وقت مافي شي حيطير عليك.
- عدّل عاداتك أكتب كل العادات السيئة اللي تبغى تتخلص منها و اختار وحدة بس كل شهر مو مهم كمية الأشياء اللي حتعدلها مرة وحدة قد ما هو مهم إنك تستمر في دي العادات الكويسة.
