الإعلانات

أكثر كلمه نسمعها بعد أن ننتهي من تأثيث غرفة بشكل صح في شي غلط لكن لا أعرف ما هو ؟

هو التوازن شعور الراحه البصرية والتوازن في الفراغ وإليكم خمس طرق تحل المشكلة.

أهم اساليب شعور الراحة البصرية والتوازن في الفراغ

1- التوازن

شعور الراحه البصريه والتوازن في الفراغ التوازن يتم من خلال الشكل واللون والنمط والملمس عندنا 3 طرق نقدر نسوي وحده منهم لو اخترنا نطبق التوازن بالغرفه :

  1. متناظرة
  2. غير متناظرة
  3. شعاعي.
  • توازن متناظر

متناظر يعني مرايه اليمين يساوي اليسار أي شي نحطه باليمين نحط نفس شكله بالضبط باليسار مثل كذا أرفف باليمين تساوي أرفف باليسار المخدات الصغيره اللي على الكنب اليمين بنفس الترتيب اللي على اليسار

الراحة البصرية

  • غير متناظر:

الجهه اللي يمين مو نفس اليسار بس النتيجه توازن مثلا في هالصوره لون البرتقالي لون قوي وواضح و الأزرق لون مطفي حطينا قطعتين صغار منفصله بلون قوي هو البرتقالي مقابل قطعه كبيره بلون مطفي هو ازرق غامق كذا صار توازن بينهم

ايضا اللوحات اللي ورا من جهه الكراسي الصغار لون غامق وهو الاسود ومن جهه الكرسي الاكبر لوحه لونها أفتح وسبب استخدام قطع صغيره بلون قوي هو عشان لاتصير كتله كبيره بلون قوي ويختل توازن التصميم

  • التوازن الشعاعي

يكون تصميم الغرفه يرتكز على نقطه معينه هي مركزه مثل الدائرة هالطريقه بالذات (الشعاعي) ينقذ الناس اللي عندهم نوافذ نص دائره او حتى بالسقف عندهم دوائر بس مو بالضروره لازم يكون عندنا قوس او دائره نقدر نستخدمه بمكان مربع مثل هالصورة

الطريقه الثانيه بعد التوازن هي

2- نقطه التركيز

تكون في قطعه بالمكان تشد إنتباهك أول ماتدخل للمكان إضاءه او قطعه اثاث أو لون معين أو خامه معينه تكون مميزه وتشد الانتباه لها .. في هالصور نقطه التركيز هي الألوان (الاصفر، الازرق) نقطه التركيز الثانيه الإضاءه (اللؤلؤ، الخيوط)

الطريقه الثالثه وهي اللي تخلي في حياه بالمكان

3- الايقاع

نمط معين مكرر ومتباين عشان يخلق لنا حركه وجذب بالمكان له 3 تطبيقات تسوون اللي يعجبكم منها

  • التكرار

تكون نفس الاحجام واللون متكرره بجنب بعض أو ورا بعض

  • التناوب

شكلين مختلفين أو لونين أو اطوال مختلفه يتناوبون مكان بعض مثل هالصور الأوراق حقت الشجر أطوال مختلفه حققت التناوب النصف قوس على الجدار بطول مختلف وأشكال مختلفه حقق التناوب الدرج حقق التناوب باستخدام اللون والنقش درجه فاتحه واللي وراها غامقه وهكذا

  • التقدم

عباره عن اشكال تبدا صغيره ثم تكبر أو العكس أو الوان بتدرجات مختلفه بطريقه منتظمه مثل هالصور الدرج من أكبر إلى أصغر الإضاءه من أكبر إلى أصغر السقف في المطعم من أصغر إلى أكبر التدرج اللون من أغمق إلى أفتح

  • التباين

أشكال مختلفه وألوان وخامات مع بعضها لأن دايم الاختلاف يربط ببعض بقوه مثل المغناطيس موجب وسالب تقارب يتحقق التباين بأخذ الضد من الشكل واللون والخامه مثل هالصور:

باللون أحمر وازرق
الأبيض والأسود في الارضيه
تباين باللون والملمس والخامه في الاثاث

الطريقه الرابعه

4- الانسجام

أو الوحده استخدام لون واحد أو لونين يربط الغرفه ببعضها من خلال طريقه جدا بسيطه وزعوا اللون بكل الغرفه مثلا عندنا احمر وأسود بالصاله نحط المخدات الصغيره احمر واسود والفرشه وكنبه صغيره حمرا كذا المكان انربط ببعض مثل كذا

بعض التطبيقات على الوحده أو الانسجام

الطريقه الخامسه والأخيره

5- النسبة والمقياس

تناسق اهم عنصرين وهم الكتله والفراغ كيف؟

باختصار لو عندنا غرفه صغيره مانجيب اثاث كبير والعكس واختيار مثلا الطاوله اللي بجنب السرير مايكون اعلى من السرير او اقصر وأيضا طريقه الفرشه بين الكنبات راح اوريكم تطبيقات توضح الفكره

السجاد الصغير بين الكنبات مافي تناسب أن السجاد يكون كبير بينهم هو الصح

الطاوله دائريه صغيره والكنب مستطيل مافي تناسب الحل طاوله مستطيله أكبر بالحجم

الخطأ هنا الطاوله السودا لانها أقصر من السرير وحجم صغير جدا مافي تناسب الصح طاوله بنفس ارتفاع السرير بحجم أكبر

بالنهايه بطرق بسيطه حلينا مشاكل كثيرة يمكن تواجهكم عند تأثيث منازلكم.

مصادر