في حال توقف حسابك كيف تستطيع التحدث مع الدعم الفني تويتر كل هذه التفاصيل سوف نقوم بذكرها ضمن هذا المقال لنتابع معا

كيفية الحصول على الدعم الفني تويتر ؟

المقيد لرقم الهاتف في تويتر خلال 3-4 ايام بس عن طريق موقع BBB

 

كيفية الحصول على الدعم الفني تويتر ؟

  • الايام دي الدعم الفني بقى ما بيستجيب ولا بيرد على البلاغات عادي تقعد شهرين تلاته حسابك مقفول وما حيردو عليك حتى لو رفعت مليون بلاغ بسبب ازمة المرض + اختراق سيرفراتهم مؤخرا
    Better Business Bureau هي منظمه امريكيه لحماية حقوق المستهلك بتاخذ البلاغات وبتوصلها للجهه الثانيه (بشكل مباشر) وبتضغطهم يردو عليك ويلاقو حل للمشكله والا تقييمهم حينزل في الموقع
    انت ببساطه حترفع ليهم بلاغ عن طريق الموقع تشرح حصل ليك شنو وهم حيوصلوهو لتويتر مباشرة، حيدوهم مهلة اقصاها 30 يوم للرد، ما ردو عليك طوالي بيتكتب review عنهم وبينزل تقييمهم، في الغالب حتتحل المشكله وبيرجع حسابك في 3 ايام من رفع البلاغ، نجي للطريقة:
  • -ترفع بلاغ عادي عن طريق الدعم الفني لتويتر تستأنف استرجاع حسابك، حيرسلو ليك في الايميل، ترد على الرساله وتقوليهم حسابي مازال مغلق، المهم تحفظ الcase number المكتوب عشان حنحتاجو بعدين

 

 

  • -اكتب BBB في جوجل وخش موقعهم بعدين اضغط امريكا، تكتب في خانة البحث Twitter Inc اول خيار العنوان سان فرانسيسكو، حتطلع ليك صفحتهم في الموقع ممكن تشوف اراء الناس وتقييمهم المهم انت تنزل تحت وتضغط File a Complaint
    (الصور من اليسار لليمين)

 

  • -تضغط File a Complaint مره تانيه، تأشر كل الخيارات No، وتضغط Proceed to Complaint form

 

  • حيحولك لفورم تملى البيانات اسمك والعائلة مهم، الpostal code اكتب خمسة اصفار، العنوان الخرطوم المدينة الخرطوم، الولاية خارج امريكا، البلد السودان، رقم الهاتف اكتب اي حاجه او زي الصوره، واكتب الايميل المسجل في حسابك في تويتر مهم، بعدين اضغط

 

  • -حيحولك اول حاجه تختار طبيعة الشكوى Service issues, بعدين تكتب الشكوى حسب حالتك، بالنسبه لي مشكلتنا الشائعة في السودان التوثيق برقم الهاتف اذا انت نفس المشكله اكتب نفس الكلام + يوزرك في تويتر وايميلك والcase number بتاع قبيل مهم، الحل المقترح تكتب other بعدين اضغط Next

 

  • -اول خانة اكتب Twitter Account بعدين تاريخ اغلاق حسابك، بالنسبة للسؤال اضغط Yes، بعداك اكتب Twitter Support والتاريخ الرفعت ليهم البلاغ فيهو اذا متذكرو او شوف ايميلك تاريخ الرساله، الباقي املاهو زي ما عملت

  • -الصفحة الاخيره حيطلع ليك الفورم النهائي راجعو شوف اذا عندك اخطاء املائية ولا حاجه اتاكدت خلاص اضغط Submit complaint بعدها حتطلع ليك صفحه بتقوليك تم ارسال الشكوى

 

  • -ترجع لايميلك حيقولو ليك بلاغك اترفع تصبر 24 ساعة حتصلك رسالة الا تشوفها جوا الرابط مضمونها تمت الموافقه على بلاغك من BBB ووصل لتويتر، تصبر يوم لي تلاته ايام بالكتير حسابك بيكون فتح خلاص

الدعم الفني تويتر

مصادر