سلبيات الحكم على الناس من مظاهرهم قصة رائعة

الإعلانات

لكل شخص ظروفه الخاصة و الحساسة التي تؤثر بشدة عليه وتحكم طريقة حياته بنمط معين، وهنا سنرى برهاناً واضحاً لكي لا يتسرع اي شخص في الحكم على الناس من مظاهرهم قبل معرفة الاسباب التي تدفعهم لفعل ما يقومون به.

قصة الحكم على الناس من مظاهرهم

واحد من الجيران في العمارة بقاله حوالي ٦ شهور مش بيدفع مصاريف الصيانة، وحصلت مشاكل كثيرة ما بينه وبين المسؤول عن العمارة، وكانت الخناقة شغالة على جروب الواتس اب بتاع العمارة.

من حوالي شهرين كنت طالع من الشقة وشوفته بيضرب قطة برجليه عشان بتقطع اكياس الزبالة، لومته وقلتله حرام.

الراجل هذا عنده تقريباً حاجة وخمسين سنة، بينزل على طول بالبدلة والكرافتة وتقريباً بيشتغل في بنك، ومراته مريضة بقالها فترة ومانعرفش عندها ايه بالضبط، بس ما بتنزلش من البيت خالص،
ربنا ما رزقهمش بأطفال.. السكان بيقولوا عليه بخيل لأنه بيلبس جزمة قديمة اللزق بتاعها فاكك من قدام.

الحكم على الناس من مظاهرهم

  • حدث امر غريب بعد مرور 3 اشهر

من حوالي ٣ شهور كنت بانزل احط اكل لقطط الشارع، شوية بواقي اكل وعليهم صلصة، وفي يوم قررت أقف من بعيد اتفرج عليهم وهم بياكلوا، فوجئت بشخص جاي ياخد الطبق وبيهش القطط برجليه.

ربما يهمك  علامات انحراف البنت 5 اشياء تبينها مع طرق التعامل معها

اتنرفزست وكنت هاروح اهزقه، وبعدين قلت الصبر طيب، ثم مشيت وراه، لقيته بيطلع كيس من جيبه وبيحط فيه الاكل، كان لابس ماسك وترينينج، حط الكيس في جيبه ولقيته طالع العمارة عندنا.

طلعت وراه ولقيته داخل شقة أخينا البخيل، وعرفت طبعا أن ده هو نفس الشخص.

تاني يوم حصلت نفس القصة، بحكم الجيرة سنين طويلة، لأننا ساكنين في إيجار قديم.

  • السر الكبير الذي يخفيه الرجل

أخت هذا الرجل  عندي على الفيسبوك، هي متزوجة وعايشة في مكان ثاني، بعتلها رسالة أسأل عليها وسألتها عنه وعن أحواله وقلتلها اني مش بقابله بحكم المشاغل.

المهم قالتلي أنهم مشوه من شغله من حوالي سنتين ومن ساعتها بيدور على شغل! وأنه صرف اللي وراه واللي قدامه على علاج مراته، لأنها مريضة كانسر.

بعد ما عرفت هذا الكلام، قعدت شوية على الكرسي وجمعت كل المشاهد اللي كلنا كنا فاهمينها غلط، وبكيت بشدة لما افتكرت شكله وهو بيحط اكل القطط في الكيس وطالع بيته زي الحرامي،
بيبص وراه عشان خايف لا حد يشوفه، بكيت على حاله، وفهمت انه غالبا بيأكل مراته من اكل القطط.

ربما يهمك  ابرز 2من الاسباب لحدوث أهم المشاكل الاجتماعية و حلها بخطوتين

أخته قالتلي انه مش قايل لمراته انه ساب الشغل، وبينزل كل يوم بالبدلة يدور على شغل، وصرف كل مدخراته وباع العربية.

  • كيف قدموا المساعدة لهذا الرجل

فكرت كتير وقررت اتكلم مع واحد من السكان، خاصة اني عارف حساسية الموضوع، كل السكان كانوا مش طايقينه ومتحفزين ضده، شرحتله الموضوع وهو كمان بكى زي الطفل قدامي.

فكرنا سوا ونادى على مراته وقالت إنها ممكن تلاقيله شغل في شركة واحد معرفة، عملنا إعلان عن وظيفة مطلوب فيها محاسب خبرة، وحاطيناه على باب العمارة.. تاني يوم كان بيتصل على الرقم اللي في الإعلان وبدأ يشتغل بعدها بكام يوم… الجميل بقى انه في الشهر الأول قبل ما يقبض الراتب لقيت كل الشقق في الدور بتاعه قدامها أطباق مليانة اكل للقطط،

زوجة جاري العزيز قامت بالواجب وكانت بتطبخ وتوزع الأكل قدام كام شقة.. الموقف ده بكل ما فيه، أثر فيا جدا… مفيش حد يقدر يعرف ظروف الناس عاملة ازاي .. كتير من الأشخاص العدوانيين، تلاقي عندهم هموم مستترة.

  • اخيراً
ربما يهمك  موظفي مطعم بيتزا دومينوز قصة انقاذهم حياة شخص

ناس عايشين كويس وفي مستوى معقول، ولما الدنيا بتقلب عليهم بتصعب عليهم نفسهم، مش بيقدروا يطلبوا مساعدة من حد، وفي نفس الوقت الشخص هذا لم يكن قادر على مواجهة زوجته بالظروف بسبب مرضها.. نرجع ونقول…. الناس لبعضها!

مصادر.