الإعلانات
قدمنا في هذا المقال شرح عن طريقة التسويق بالايميلات من خلال بعض الخطوات
محتوى الموضوع
التسويق بالايميلات بسهولة
- كيف خطوة بخطوة كيف تستخدم التسويق بالايميلات لمنتجاتك و أفكارك
إيش يعني التسويق بالايميلات
- يعني إنك ترسل إيميل لمجموعة أشخاص و دا الإيميل فيه أشياء إنت تبغى تبيعها و تخليهم يتحمسوا عشان يشتروا منك المنتج دا.
- كدا بكل بساطة الموضوع إيش اللي صار؟
- اللي صار يا سيدي إنه المسوّقين فكّروا الموضوع مجرد حصول على إيميل الشخص و صاروا يغرقوا كوكبنا بإيميلات مملة و مستفزة و كلها متكررة و بلغة ما تكلّم فيها أحد.
- ركزّوا فيها إنهم بيكلموا نفسهم و هدفهم الأول و الأهم و الأوحد هو البيع المطلق فقط.
- بس نحن بني آدمين نحب اللي يعرفنا، يتواصل معانا، يساعدنا و يورينا الطريق، ينور لنا لمبة فوق راسنا، يتفاهم مع مشاعرنا.
- لذلك لما شفنا ديك الإيميلات صرنا من قاصرها ما نفتح الإيميل و نحذفه فورا و بالتالي نسبة الأشخاص اللي يستفيديوا من التسويق بالإيميل نزلت جدا و انطلقت الإشاعة.
- بس خلال الكم سنة اللي فاتت المسوّقين انتبهوا لخطأهم.
- الجمهور لازم يكون هو مركز الاهتمام و التركيز على إيش يهمه و مساعدته في تأدية مهامه هو الهدف الأسمى
- بعبارة أخرى بدأ التسويق بالمحتوى و كان الإيميل واحد من المنصات اللي جربوها و نجحت نجاح مبهر
إيش ميزة التسويق بالايميلات عن باقي السوشال ميديا؟
- الإيميل يعتبر وسيلة تواصل شخصية يعني مني لك. ودي الخصوصية تدينا مشاعر إنه دا البوست أو الإيميل معمول عشاننا و كأننا نقدر نتواصل مع دي الشركة و يصير فيه أخد و عطا بيننا و بالتالي شعور بالثقة مرتفع.
خطوات التسويق بالايميلات
- تحتاج أول شي يكون عندك:
- منتج أو خدمة تبيعها.
- محتوى تقدر تساعد فيه الناس اللي تبغاهم يشتروا المنتج حقك طريقة تحل لهم مشكلة معينة يعانوا منها و ممكن تحمسهم يشتروا منتجك في وقت لاحق.
- حساب سوشال ميديا تقدر تحط عليه محتوى يومي كمان يحل مشاكل العميل اللي قريبة أو تقوده لمنتجك.
- حساب في هذا الموقع من هنا الموقع مجاني لغاية يصير عندك 1000 إيميل
- تحتاج تعمل صفحة landing page أو صفحة هبوط أو صفحة موقع بسيطة عشان يكون مكان تقدر تجمع فيه الإيميلات. طبعا الموقع اللي فوق بسيط جدا و تقدر عن طريقة تعمل صفحة زي دي: من هنا ما تحتاج أي مهارات تصميم أو برمجة.
- أكتب في الصفحة جمل مفيدة تحمس الشخص يديك إيميله. الآن عشان تفهم المعادلة كويس: إيميل العميل يعامل كأنه فلوس فعشان تاخده تحتاج تعرض عليه شي هو يبغاه و مستعد يقايضه بإيميله. ملف مجاني كتاب مجاني إيميلات حتساعدك
- حتنشر الموقع في السوشال ميديا و بين أصدقاءك و شوي شوي القائمة عندك حيزيد عددها
- أول كم إيميل اصحك تبيع فيهم أي شي إنت صديق الجمهور أكتب له بصيغة المفرد أكتب الإيميل كأنك بتكتبه لصديقك و اهتم إنك تكتب عنوان مو كليشية
- إنت كدا حتكون جاهز إنك ترسل أول إيميل إعلاني…
- أتمنى إني ساعدتك شوي بالأساسيات…
- ليش ما شرحت mailchimp؟ عشان فيه مليون أحد حط فيديو على اليوتيوب تقدر تكتب اسم الموقع و تتفرج على الشرح بس المهم أكتر من الأداة هو إيش حتعمل في دي الأداة و كيف حتكتب.
- النصائح اللي قلتها فوق أتبعها دائما و عملت لي قوائم إيميلات فيها أكتر من 50 ألف إيميل كلها نشطة و نسبة فتح الإيميلات تتجاوز ال 80% و اللي هي تعتبر نسبة خرافية و خارقة.
