الإعلانات

راح يكون مرجع لكل شخص يتمنى يكون رسام لكن تنقصه بعض المعلومات او كلها قدمنا بعض المعلومات حسب “تجاربي” عن الالوان المائية وميزاتها وحاجات اخرى.

معلومات عن الالوان المائية

“الالوان المائية” او “Watercolors” , وش هي؟ ووش الادوات الصح اللي نستخدم معها ووش افضل الماركات؟

ميزات الالوان المائية

اولاً ، الالوان المائية يميزها

  1. شفافيتها العالية
  2. تفاعلها مع الماء
  3. وكيف نقدر نوصل لدرجات شفافة جداً باستخدام نفس اللون بالاستعانة بالماء بس

عندنا المثال بهذه الصورة ، الاختلاف فقط بكمية الماء المضافة ، وش استخدمت؟ اللون نفسه وبكل مره ازيد كمية الماء الى ان وصلت لشفافية الزجاج

الالوان المائية

طرق التلوين

  • رطب على جاف

معناها نأخذ اللون مع الماء ومباشره نلون على الورق وهنا يكون سرعة امتصاص الورق للون اسرع والثبات اعلى ومافي مجال للتعديل

  •  رطب على رطب

نبلل المكان اللي نبي نلونه بماء نظيف “خفيف جداً” وبعدها نلون نفس الطريقة الاولى ، عندنا هنا طريقة الانتشار تفرق ، اللون اخف بحكم الماء اللي حطيناه اول ، وحلوه هذه الطريقة خصوصا للبناء “نحط اللون بدرجات خفيفة حتى نصل للون المطلوب”

 صفات افضل كراسة للالوان المائية

  • افضل شي يكون سُمك الورق 300 قرام و220 لا بأس به
  • الماركة ماتفرق مره اهم شي السُمك
  • هل بيفرق لو اخذت كراسه سُمكها اقل؟ ايه بتحصل معك انتفاخات ومطبات وماراح تتحمل الماء
    عندي هنا مقارنه لكراستين استخدمهم كلهم وكلهم يطلعون لي نتايج كويسة ، ليه؟ لاني عرفت كيف اتعامل ، ف لو عرفت تتعامل بتكون انت المتحكم بالادوات
    “اللي على اليسار من افضل الكراسات للألوان المائية”

  • طيب نورنا الورق يتفتت معي ليش؟ الماء كميته مبالغ فيها اول تفرك الورق بالفرشه بخشونه ، او الورق رقيق مو مناسب
  • طيب وش كمية الموية اللي مفروض استخدمها؟ حسب رسمتك وحسب يدك وش ترتاح عليه لكن انا افضل تكون 3 نقاط مويه ونقطة لون
  • طيب استخدم رصاص عشان احدد الرسمة؟ ايه تقدر بشرط لما يجي وقت التلوين تمسحه بالمساحه ومايبقى منه الا شي بسيط عشان مايوصخ اللون عليك ، لكن انا شخصياً مارسم برصاص الا قليل افضل غالباً الالوان الخشبية “لون احمر او اصفر او بني” الرسمة تبقى نظيفة والالوان تندمج مع اللون المائي
  • طيب وش استخدم فرش؟انا شخصياً الفرشه اللي تتعبى اكرهها جداً لانها تقطع لي الورق وتعطيني كميات مويه انا بغنى عنها ، ف هذه نموذج من الفرش اللي استخدم وجداً رهيبة للالوان المائية ، كلهم ماركة “Faber-Castell” جميع الاحجام

  • طيب وش افضل الوان؟ فيه جاف وفيه عصار ، شخصياً؟ افضل الجاف خصوصاً ماركة koi

بعض اللوحات بالألوان المائية

انواع الالوان

  1. المائي : رقيق جداً وحلو لكن برضو دقيق
  2. الاكرليك : جداً حلو ويناسب المبتدئين وله تكنيكات كثيره
  3. الزيت : جميل جداً ويعطيك نتايج جباره لكن احترافي اكثر

مصادر