الإعلانات

قدمنا هنا قصة الاغنيه السودانية بقيت تمر بينا كلمات احمد المصطفى يمكنكم معرفة تفاصيلها من خلال قراءة هذا المقال.

قصة الاغنيه السودانية بقيت تمر بينا

  • اغنية بقيت تمر بينا كلمات أحمد المصطفى حسين كباشي (اللي في الصوره دي)

قصة الاغنية

الاغنيه زي معظم الاغاني ليها قصة وتفاصيل

  • أحمد كان خاطب أم كلثوم إبراهيم سلامة (اللي معاه في الصورة دي) وكانو في نفس الحي وحصلت بينهم مشاكل وسابو بعض

الاغنيه السودانية بقيت تمر بينا

وكان خطبها واحد تاني فكتب ليها الاغنية دي

لما كانت بتمر بقدام بيتهم وما بتدخل ليهم زي زمان ولا بتسلم عليه كتب ليها

بقيت تمر بينا محال تجي علينا
ولا بتقول ديل ناس كانو في ماضينا
قول لي بحق الريد ايه النقص فينا ايه اللقيتو جديد .

  • ولما انقطعت عنو تماماً وحتى في العيد ما عيدت عليه والجفوة زادت قال:

ما كنت نور عينيك
ما كنت اهاتك
ما كنت بتقول لي
بهواك بحب زاتك
خلاص نسيت الريد
خليت تحياتك ولا حتى يوم العيد

  • ولما عرف انها اتخطبت لواحد تاني وبتراسلو وعلاقتهم بقت حلوة قال ليها :

لمن تدور تكتب لحبيبك التاني
كيف قلبك يسمح ليك تطراهو وتنساني
وحياة غلاوة الريد انا مابحب تاني بس انت تبقى سعيد

  • لما اشتد بيهو الالم والحنين وحس انو فقدها للأبد كتب ليها

الكان بيعرفنا ماقال بنتفرق
لا يوم نعرف الهم لا نبكي نتحرق
الله يجازي الريد البدموع غرق امال بدون تحديد

  • وبعد عتاب وشد وجدب أم كلثوم رضيت على أحمد ورجعت ليهو تاني واتزوجوا واغتربو سوا وعاشو حياة سعيده وليهم اكتر من 30 سنة حالياً

والصوره دي ما مجرد لقطة عشان دعاية هم فعلاً حلوين مع بعضهم ولسه بينهم نفس النظرة والحب ولسه بيكتب فيها اشعار وكلمات

  • الرسالة واضحة طبعاً اختارو صح عشان لما توصلو للعمر ده تكونو نفس اللي في الصورة ديل.

مصادر