قدمنا في هذا المقال شرح لاهم اسئلة واجوبة acls التي تتراود على الاذهان تفاصيل مهمة تحتاجها عن تجربة احدهم لنتابع هذه التفاصيل.

اسئلة واجوبة acls
  • كيف أصير مدرب معتمد في دورة الــ BLS/ACLS/PALS/ITLS/PHTLS
    سؤال يدور في بال كثير من الطموحين العاشقين لمجال التدريب والتوعية

 

اسئلة واجوبة acls

  • أول خطوة لازم تاخذ الدورة كمتدرب في أحد المراكز المعتمدة فيها البرامج هذي قبل تصبح مدرب, طيب عطني أمثله للمراكز هذي ياسامي.! أبشر التغريدة الثانيه بس للأحاطة كلامي اللي راح أكتبه والمتطلبات هي شروط المنظمة ولكل مركز له الحق بوضع شروط داخليه خاصه بهم ويجب أنك تحققها كذلك
    هذي بعض المراكز التدريبية المعتمدة فالدورات الـ AHA&NAEMT في مدينة
    activityaccount
    EMIRiyadh
    KSUCSSC

اسئلة واجوبة acls

  • طيب خلونا نبدأ بشروط الـ BLS/ACLS/PALS ركز معاي شروطهم كلها وحده ولازم تجيبها وأنت متدرب فيها عشان يرشحونك مدرب: عشان تاخذ الـ instructor potential IP أول شرط وهذا أقدر أقول جميع المراكز تشترطه إلتزامك بالوقت وأخلاقياتك الله يسعدك  ايه ايه اخلاقك هذا أول شرط طيب وش الشروط الثانيه ياسامي عشان أخلاقي بدت تقفل  سجل عندك شروط الـ AHA :
  1. تجيب فالدورة امتياز في تطبيق جميع المهارات المطلوبه خلال الدورة ونهاية الدورة أقصد أختبارك العملي.
  2. تجيب أعلى من درجة 84% في اختبارك النظري .

3. تمكنك من مهارات التدريبية الأساسية مثل ( إتقانك التام للغة الأنجليزية, طبقة صوتك واضحة, إلمامك التام بمحتوى الدورة…إلخ)

  • هذي الشروط الأولية عشان تاخذ الـ IP
    طيب خلاص أخذتها كذا أصير مدرب …؟ مبروك أخذت الـIPراح يجيك شعورالفخر والرضا حتى لو ماصرت مدرب
  • أذكرفي أحد الدورات سجلت فيها 4 مرات في سنه واحدة ومارشحوني مدرب وأذكر في دورة أخرى سافرت ثلاث مرات دفعت رسوم طيران رسوم سكن رسوم الدوره بس عشان أخذ الدورة! رسالتي لك لا تيأس أرجع كرر مره واثنين ومية طموحك لاتخلي أحد يوقفه
  • سامي أخلص أخذت الـ IP وش نسوي بعدها هههه لاتستعجل فالمرحله ذي الصبر الصبر ليش.؟ خليني أقولك ليش..
    أول شيء راح يرسلون لك المركز اللي أخذت عندهم الدورة بعض التعليمات عشان تجهزها ورابط أختبار تسويه للمدربين فقط اسمه
    Basic Life Support (BLS) Instructor Essentials Online

  • بعدها تنتظر دعوه منهم لحضور دورة إعداد المدربين ( INSTRUCTOR COURSE)
    فالدوره راح تتعلم كل شيء يخص جمعية القلب الأمريكية كذلك كل ما يخص الدورة اللي تم ترشيحك لها , طيب وش أذاكر كيف أنجح..! هذي الدورة يدخل فيها قرابة 25 متدرب ومتدربه وممكن ما يخذون إلى 5 فقط عشان يكملون المشوار
    معقووله 25 وبس يختارون 5 مثلا ..؟! تذكر كل مركز يهتم بجودة مدربينه ويحرص بأن يكون جودة تدريبهم عالية جدا جدا ويختارون النخبه فقط اللي تنتطبق عليهم معاير المدرب الناجح , تذكر بأن المدرب هذا لا يمثل نفسه فقط بل يمثل كذلك مركز التدريب اللي يدرب فيه .
  • طيب سامي يامهتم بالجوده  وش نجهز لدورة المدربين ..؟ لا تخاف هم راح يرسلون لك التالي :
  1.  INSTRUCTOR MANUAL
  2. PAM(Program-Administration-Manual-)
    هذي راح يكون اعتمادك الكلي عليها خلال تقيمك من دخولك الباب الى خروجك ونجاحك بعد توفيق الله فالدوره ومسيرتك التدريبيه
اسئلة واجوبة acls

اسئلة واجوبة acls

  • الدورة يطول شرحها وما راح أقدر أكتب كل شيْ عنها لكن بختصار هي عباره عن تقييم تقييم تقييم مستمر من تقولGOOD MORNINGالى اختبارك النظري
  1. راع يشرحون لك سياساتهم الداخليه اللي لازم تلتزم بتطبيقها
  2.  راح يوزعونكم قروبات وتلعبون دور واحد مدرب ومعك متدربين ويكون في شخص يقيمكم الـ TCF
    ونهاية الدروة أختبار نظري عباره عن 25 سؤال أغلبها إدارية وليست طبية
  • وين أحصل أجوبة الأسألة أبشر أبغششك ( PAM+Instructor manual )
    بعدها مقابلة يا مبروك أنت معنى أو شكرا لك شرفتنا وحظ أوفر فالمرات القادمة وماراح يقصرون معاك بيقولون لك وين نقاط الضعف عشان تشتغل عليها فالمره الجاية مبروووك نجحت دورة المدربين شعور بالفخر مره ثانيه لان غالباً اذا عديت المرحله هذي الباقي سهل
  • آخر شيئ :
    بعض المراكز يطلب منك ثلاث دورات تحضرها وبعضهم دورتين. سامي هذا ظلم ..!الظلم أني أخليك تدرب أشخاص راح يتعاملون مع مرضى وأنا ما أعرف كيف بدربهم سامي هذا ظلم .. هذا كله اللي سويته وباقي بيقيموني بعد ! تذكر كل اللي راح قاعدين نقيمك لحالك فقط ما مسكت متدربين , الظلم أني أخليك تدرب أشخاص راح يتعاملون مع مرضى ومصابين بحالات بين الحياة والموت وأنا ما أعرف باقي شخصيتك الحقيقة تحت الضغط تحت الأسئلة تحت النرفزه…إلخ .
    المركز اللي يطلب منك ثلاث دورات راح تكون كالتالي :
  1. الدورة الأولى/تكون مستمع ومشاهد للمدرب فقط عشان تتعرف عل الامور من منظور المدرب وليس المتدرب
  2. الدوره الثانيه /راح تكون مدرب تحت تقييم senior instructor & TCF
    وراح أحط ورقة التقييم وما راح يقطعك أحد أبدا الا اذا جبت العيد

3.الدوره الثالثة اللي راح تقدمها والأخيره راح تكون بأذن الله ناجحه ليش ناجحة لأن فالدوره الثانيه اكيد عليك ملاحظات والمدرب الأساسي أعطاك الملاحظات عشان تعدلها وتتلافها>>( فالثالثة على قولتهم ثابتة)
ايميل

Dear…

Good morning!

Congratulations you are released as AHA ACLS Instructor, find below your AHA ID.

Kindly drop by our office and coordinate with Mr… to complete your Instructor Files for you to be able to claim you Instructor ID, for your kind care and information.

أخير ….,
وراح وصل الأيميل اللي فوق أول ما تشوفها ممكن تنط من الفرحه لأنك حققت أحد أجمل أهدافك أنك تكون مدرب للعاملين فالمجال الصحي مسؤولية عظيمة وفنفس الوقت إنجاز عظيم , أتمنى أني وفقت فالشرح اي تقصير أو نقص سامحوني , اي

  • سامي وش الحافز اللي يخليني مدرب فالدورات الطبية من الاساس …؟
    سؤال سألته نفسي قبلك وجوابه هو..:
  1.  أحر العلم للمحتسب فيه لوجه الله ارجوه عند الله انه صدقه جاريه لي اولا فالحديث المشهور ينقطع عمل المسلم الا من ثلاث وذكر عليه السلام ( او علم ينتفع به )
  2. اضافة قوية جداً جدًا للحصيلتك العلمية وتطوير لمهاراتك التدريبيه لانك راح تدرب الاستشاري الى طلاب الجامعات الصحيين وتذكر كل شخص منهم راح يعلمك شيء جديد انت ما كنت تدري عنه.أخيراً /دخل مالي اضافي لك كل دورة لها مكافئة ماليه يحددها المركز اللي تدرب فيه . اختر اي حافز يناسبك

 

 

مصادر