قدمنا في هذا المقال معاناة المواطن في حال حدوث حادث كيفية القيام بــ اجراءات التامين الشامل بعد الحادث كيفية التفاصيل من خلال هذا المقال

اجراءات التامين الشامل بعد الحادث

  • البداية
    نوع السيارة : هونداي النترا موديل 2016
    السيارة إيجار منتهي بالتمليك عن طريق البنك الاهلي
    نوع التأمين : اكسا للتامين التعاوني @AXA_Saudi
    تاريخ وقوع الحادث :السبت 2020/08/29
    طرف واحد
    اتصلت على نجم على الرقم
    920000560
    جاء نجم و صور الحادث واعطاني التقرير ونسبة الخطاء علية 100٪ ( طرف واحد طبعا ) اخذت السيارة بسطحة على التقديرات
    الموقع اضغط هنا
  • رسوم التقديرات : 172.5﷼
  • رسوم شيخ المعارض ( ايضا داخل التقديرات – لانه السيارة تعتبر تالف) : 57﷼
    خلصت من التقديرات اخذت الاوراق وتوجهت على البنك الاهلي للتمويل التجاري الموقع اضغط هنا
  • البنك مباشرة قالي خذ الاوراق وراجع شركة التأمين
    توجهت لأحد فروع شركة التأمين
    و مباشرة من اول ما دخلت مع الباب يقولك ارفع مطالبة عن طريق الموقع الالكتروني
    دخلت على موقع شركة التأمين و طالبين
  1. ورقة التقديرات
  2. تقرير نجم ( الورقة الي كأنها ايصال صرافة احتفظ فيها )
  3. وثيقة التامين و رقمها
  4. رخصة واستمارة السيارة
  5.  رسم كروكي للحادث و صورة السيارة
  6. ورقة سحب السيارة او اذن اصلاح من المرور
  7. رقم الايبان من موقع البنك
  • طبعا كل شيء جبته لهم بقي ورقة سحب السيارة لازم اطلعها من المرور
    توجهت لمرور الناصرية يوم الاحد وجاي واثق ورسمي بموعد من ابشر وكل شيء
    وانصدم انه الوضع كأنك في حراج بن قاسم لا مواعيد ولا هم يحزنون وعالم وزحمة الله لا يوريكم المهم اسال فين ورقة سحب السيارة يقولونك روح قسم الحوادث دخلت قسم الحوادث فيه عسكري سألته عن الورقة قال مين باشر الحادث
    قلت له نجم وهذه اوراقي وكل شيء قال خلاص روح راجع نجم مخرج 5
  • اتصل على نجم و اسالهم ردوا عليه بخطاب موجه وارسله برابط مباشر ورسمي الى ادارة المرور بأن تصدر لي ورقة اذن سحب السيارة وارجع للموظف واعطيه الخطاب من نجم قالي روح مرور الملز
    اروح مرور الملز واحصل انا بنفسي الورقة صغيرة وحاطينها على طاولة ومن جاء يعبي لنفسه الورقة و يروح يعطي عسكري يختمها لك مباشرة وانا من 8 الظهر الى 12 ابحث عن ورقة ما تسوى و هذه صورتها

اجراءات التامين الشامل بعد الحادث

  • رفعنا المطالبة على موقع شركة اكسا
    واعطوني رقم مرجعي على ايميلي بحيث انتظر 3 ايام عمل وهم راح يعطوني خطاب التوجيه وايش الاجراء الي اتخذه
    انتظرت اكثر من 3 ايام وما احد رد اطريت اتصل عليه اكثر من على الرقم
    920008477 و بدون فايدة لو تدق شهر ما احد يرد عليك للموقع اضغط هنا
  • راسلتهم على تويتر على حسابهم  و تم التجاوب معي
    وارسلولي خطاب التوجيه لشركة الوعلان هونداي الي بمخرج 18 اضغط هنا
  • اخذت لي سطحة و اخذت السيارة و توجهت على الوعلان ،، شافوا السيارة وقالوا هذه تالف راح نعملك تقرير بالسيارة. وتدفع رسوم 207 ريال

  • دفعت الرسوم واعطوني تقرير انه السيارة تالف وقالوا تواصل مع شركة اكسا وهي بتوجهك ، هنا انسى انه يرد عليك من شركة اكسا للاسف ، لكن بعد وقت طويل ارسلولي رقم شخص اسمه فيصل مدير ( ورشة جودة الاتقان )
    موقعه اضغط هنا

  • تواصلت مع الاخ فيصل مشكور على تجاوبه و متعاون جدا ، رحت له بالسيارة و اعطيته واستلمها بموجب ورقة الوعلان انه السيارة تالف واعطاني ورقه استلام السيارة بحيث انه بعدها ارسلها للشركة وهي بتكلم الاجراءات ارسلتها مباشرة ووضحت كل شيء من تكاليف السطحة والايبان بملف PDF وارسلته

  • وانتظرت بعدها يومين عمل ولا فيه اي رد او تجاوب حتى شبيت عليهم في تويتر شوي و على طول وصلني ايميل من شركة التأمين انهم ارسلوا خطاب للبنك الاهلي عشان. ينهئي اجراءاتي ولا ادري وشو فيه من خطاب بس كذا تقعد تنتظر على هواك ،، بعدها بيومين برضه ما صار شيء كالعادة لازم تنبش شوي في الخاص
    في تويتر حتى يتحركون في إجراءاتك و الحمدلله تم اسقاط السيارة عن طريق خدمة تام ، ايضا اغلاق العقد بيني وبين بنك الاهلي . رجعوا لي 82 ريال فائض زيادة بالمركبة مدري كيف حسبوها بس الحمدلله اهم شيء خلصت منهم وتوبة ما عاد اطلع من البنك الاهلي لو يعطوني بلاش .

رسالتي واتمنى توصل للشخص المسؤول انا الحمدلله عندي خبرة بالنت او بوسائل التواصل لكن الناس الكبار بالسن ولا يعرفون هذه الاجراءات كيف تبونهم يخلصونها معكم ، ليش ما يكون هناك الية واضحه للجراءات ما بعد الحادث ، كل حادث له مسار معين
مرات لازم المرور يباشر ومرات لازم نجم
ليش ما يلزم البنك بإنهاء كافة الاجراءات انا لست مالك السيارة مجرد مستأجر ليش انا الي اقعد اطارد وراء شركات التأمين عشان انهي اجراءات سيارتكم ؟
مكاتب التأمين يا كثرة فروعها لكن مكتب واحد فقط للمطالبات ليش ما يلزم بان يكون كل فرع تأمين له فرع مطالبه ،
اسف على الاطاله والله لا يوريكم مكروه والحمدلله اولا واخيرا ، حبيت اذكر القصة من البداية الى النهاية للفايدة

  • النهاية .
    بالنسبة للفواتير ،، جمعتها كلها حق السطحات و فاتورة التقديرات و فاتورة تقييم شركة الوعلان وارسلتها لشركة التأمين و ارسلت لهم رقم IBAN و بانتظر واشوف ما ادري هل بيعبروني ولا سيفون .

  • حبيت اضيف مكان وموقع شركة أكسا للمطالبات بحيث انه موقعهم ماهو واضح بقوقل ماب و اتوقع انه ما يبغون احد يعرفه ، والافضل تروح لهم بدري من الساعة 8 لانه اذا تاخرت راح يخلونك توقف برا بالشمس ( تباعد ) عشان تطفش وتاخذ اوراقك وتمشي ، تعليقات الناس اظن تكفي .للموقع اضغط هنا

مصادر